SPECIALE l Misteri i zhdukjes së Prigozhin/ Ja rreziku që i kanoset Putinit

Kreu i grupit mercenar rus Wagner, Yevgeny Prigozhin, ka qëndruar në Moskë që nga 1 korriku, njoftoi media franceze Liberation, duke cituar shërbimet e inteligjencës perëndimore. Sipas raportit, Prigozhin po mbahej në Kremlin dhe po negocionte me Putinin për fatin e Wagner. Zëdhënësi i Kremlinit, Dmitry Peskov, konfirmoi dje se Prigozhin dhe Putin u takuan më 29 qershor. Ai tha se takimi ka zgjatur tre orë dhe në të kanë marrë pjesë 35 persona. Por me njoftimin e djeshëm të Kremlinit, në të cilin u përpoq të sqaronte situatën dhe të riparonte dëmet, i gjithë misteri rreth Prigozhin, zhdukja e tij nga publiku dhe lidhjet e tij me udhëheqjen ruse bëhet edhe më e paqartë. Prigozhin u pa për herë të fundit natën e kryengritjes pasi njoftoi se forcat e tij po tërhiqeshin. Ai ishte atëherë në një SUV në Rostov. Ishte fundi i një rebelimi jetëshkurtër, i cili shkaktoi ndryshime tektonike Që atëherë, misteri vetëm është rritur. Në ditët pas rebelimit, në dy javët e fundit, ndodhën bastisjet në ambientet e Prigozhinit, në publik dolën fotografi të parukeve të tij të supozuara dhe shufra ari. Një burrë i ngjashëm me të është parë edhe duke dalë nga një helikopter në Shën Petersburg. Por nga komentet e javës së kaluar nga presidenti Alexander Lukashenko, është e qartë se Prigozhin nuk është në Bjellorusi, siç e kërkonte marrëveshja me Kremlinin. Nuk janë as luftëtarët e tij.