Status Quo për veriun në Bruksel/ Melazim Koçi: Asgjë nga takimi Kurti-Vuçiç

Analisti Melazim Koçi deklaroi se përkundër rolit konstruktiv që ka luajtur Samiti i Procesit Brdo-Brioni, ajo iniciativë nuk ka fuqi reale të ndikojë në heqjen e sanksioneve të Bashkimit Evropian ndaj Kosovës dhe tha se nuk pret asgjë nga takimi i ardhshëm në Bruksel mes Kurtit dhe Vucic, por vetëm një vazhdimësi të situatës aktuale.

Lidhur me deklaratën e Vjosa Osmanit se vende si Kroacia do duhet të “lobojnë” për heqjen e masave të BE-së ndaj Kosovës, për shkak të zhvillimeve në veri, Koçi thotë se nuk beson se një iniciativë e tillë do të ndihmonte.

“Procesi Brdo-Brioni është konstruktiv, me mundësi modeste. Është iniciuar nga Sllovenia dhe Kroacia, si një urë që lidh dy vende anëtare të BE-së me gjashtë vende të Ballkanit Perëndimor që aspirojnë të anëtarësohen në BE. Nuk mendoj se kjo nismë mund të heq sanksionet ndaj Kosovës”, tha analisti duke theksuar:

“Nuk ka sinjale konkrete se takimi Kurti – Vucic do të sjellë rezultate. Gjithçka që ai takim mund të bëjë është të ruajë status quo-në në veri, pra të parandalojë përkeqësimin e situatës. Për BE-në është prioritet që të mos ketë konflikt në këtë pjesë e Kosovës, dhe këtë e ka thënë qartë kreu i NATO-s në takimin me osmanët në Bruksel – se forcat speciale nuk lejohen të shkojnë në veri pa koordinim me KFOR-in, ky ishte një sinjal shumë i qartë dhe në Kosovë kuptohet shumë mirë. Unë nuk pres asgjë dhe besoj se synimi i BE-së është së paku të ruhet kjo gjendje. Vuçiq do të dalë me një kërkesë për asociacionin kurse Kurti nuk do ta pranojë dhe do të kemi të njëjtën situatë”, tha analisti nga Kosova