Taktikat e ambasadorit HILL ‘groposin’ Vuçiçin, nga Gunther Fehlinger

Taktikat e HILL ‘groposin’ Vuçiçin

Nga Gunther Fehlinger

Eksperti austriak, Gunther Fehlinger, ka folur në lidhje me kërcënimet e Serbisë ndaj Kosovës dhe deklaratën e ambasadorit amerikan në Serbi, Christopher Hill, i cili para pak ditësh potencoi se krahasuar me Kosovën, Serbia është më afër NATO-s.

Lidhur me këtë, Fehlinger tha se kjo ishte një “taktikë” e Hill-it për të qetësuar publikun serb dhe për të shmangur ndonjë përshkallëzim.

Ai u kthye në kohë duke kujtuar misionin e ambasadorit amerikan në luftën e vitit 1999.

“Në prag të 25-vjetorit të NATO-s për çlirimin e Ballkanit nga gjenocidi “Millosheviç”, ambasadori i SHBA-së në Serbi, Christopher Hill u përpoq të qetësojë publikun serb dhe të shmangë ndonjë përshkallëzim ushtarak. Komentet e tij duhet të kuptohen si i dërguari i SHBA-së në Jugosllavi, misioni i të cilit për të shmangur luftën në vitin 1999 dështoi dhe ai personalisht është i përhumbur nga dështimi i tij si diplomat. Derisa, Serbia tani përsëri po mobilizohet për herë të 9-të në 2 vitet e fundit të luftës ruse kundër Evropës, ai ka shumë frikë se mund të ketë një herë të dytë në sulmet ajrore të tij kundër Beogradit. Por mos kini dyshim, ai do ta godasë sërish Beogradin nëse Serbia sulmon Kosovën dhe shkatërron rendin e paqes në Ballkan, të cilat u siguruan nga fuqia amerikane” –  deklaroi eksperti austriak.

Po ashtu, Fehlinger beson se presidenti amerikan, Joe Biden e ka dërguar me një mision Hill-in – për të qetësuar popullin serb.

Mirëpo, ai tha se ambasadori amerikan duhet t’ua bëjë të qartë serbëve se nëse tentojnë ta sulmojnë Kosovën, atëherë Beogradi do të bombardohet sërish.

“Ndërsa, Presidenti Biden e ka dërguar atë për një arsye, për të shmangur luftën, një luftë të dytë në Evropën Jugore, ai ka vendosur të përdorë të gjitha mjetet duke përfshirë një nivel qetësimi dhe lajkatimi ndaj publikut serb, të cilin me të vërtetë askush nuk mund ta ‘tret’ lehtë por është pjesë e rendit amerikan të paqes në Ballkan. Mjerisht, është një ide e gabuar se si të sillemi me Serbinë nën Vuçiçin. Në vend të të folurit të ashpër në privat dhe bisedave të buta në publik, do të ishte shumë më mirë të flitej butësisht me njerëzit e duhur, opozitën serbe dhe të flitet publikisht për të penguar agresionin e mëtejshëm. Paralajmërimi i publikut serb se Beogradi do të bombardohet nëse Ushtria Serbe kalon në Kosovë është mënyra shumë më e mirë për të minuar Vuçiçin dhe për të ndërtuar momentin që opozita serbe të kthehet në pushtet në Beograd. Mos kini dyshim se arsyeja e vërtetë që serbët nuk pushtuan veriun e Kosovës më 24 shtator, është që ambasadori Hill e bëri të qartë 100% kristal që forcat ajrore të SHBA-së janë në distancë goditëse dhe marinsat amerikane janë ngarkuar dhe të gatshme për të hedhur ngarkesën e tyre në Beograd, nëse ndizet drita jeshile për ndërhyrjen e tyre për herë të dytë” – shpjegoi analisti.

“Mos harroni fjalimet e Joe Biden, si senator dhe miku më i mirë i Bosnjës dhe Kosovës në vitet 1990 në Uashington. Është i njëjti Joe Biden dhe të njëjtën gjë Chris Hill dhe Aleksandër Vuçiç e dinë shumë mirë. Është e qartë se Serbia është pjesë e Partneritetit për Paqe me NATO-n, kurse Kosova është mbajtur padrejtësisht jashtë. Zhvillimi i një ushtrie të vërtetë të Kosovës u bllokua nga bashkësia ndërkombëtare për 2 dekada dhe kështu Serbia ka një avantazh të madh këtu. Por, më afër, do të thotë nëse një vend është pjesë e Evropës së lirë e të mbrojtur nga NATO, dhe Kosova është qartazi pjesë e Evropës së lirë dhe qartësisht e siguruar nga KFOR-i dhe NATO” – nënvizoi Gunther Fehlinger

Eksperti austriak, Gunther Fehlinger, duke folur mbi lidhjet e ngushta dhe raportet e Serbisë me Rusinë, pati disa kritika të forta për qasjen e Bashkimit Europian ndaj kësaj gjëje, teksa dhe theksoi se Kosova po ndëshkohet padrejtësisht, ndërsa Serbia jo, për lidhjet e saj me shtetin rus.

“Serbia ka zgjedhur Rusinë, armikun tonë, në luftën më të rëndësishme që nga Vietnami. Serbia blen armë ruse, ka një MTL me Rusinë, nënshkruan marrëveshje për arsimin dhe më keq për sigurinë me Rusinë dhe ka një bazë ushtarake ruse në Nish, me ndërlidhje ushtarake ruse brenda ministrit serb të Mbrojtjes. Pra, sa më afër mund të jetë Serbia me Rusinë dhe sa më larg BE-së apo NATO-s mund të jetë Serbia? Është e qartë se BE-ja nuk do ta ngrijë statusin e Serbisë për kandidat në Union dhe do ta izolojë plotësisht atë, kurse ndaj Kosovës vendosin masa apo sanksione, të propozuara nga kryediplomati Borrel dhe emisari sllovak, Mirosllav Lajçak,  të dy socialist që në ndërgjegje ende mbajnë dështimin e tyre për të ruajtur paqen në vitin 1999, duke i kërkuar falje të butë Serbisë sot” –  vlerësoi eksperti austriak.

Më tej, ai kërkoi nga SHBA dhe ambasadori amerikan në Beograd, që të lënë anash politikën qetësuese ndaj Vuçiçit, dhe të vendosin në disa shtete të Ballkanit, disa avionë, skuadra luftarake dhe tanke.

“NATO të vendos 2 skuadrone luftarake në bazën e re ajrore në Kuçovë. Të dërgojë një divizion tankesh në Maqedoninë e Veriut, kurse në Malin e Zi,  të stacionojë 20 helikopterë Apache dhe disa batalione amfib të marinsave të SHBA-së. Serbia kupton më mirë shpalosjen e fuqisë, sesa të folurit e qetë” – deklaroi Fehlinger, duke potencuar: Nëse Serbia sulmon dhe për këtë, Aleksandër Vuçiç po pret vetëm momentin e duhur, siç deklaroi javën e shkuar, amerikanët duhet dhe do të luftojnë sërish për paqen.