Trajneri i Al Nassr: Ronaldo? Dua edhe Messin

Natyrisht bëhet fjalë për vetëm nje batutë, por që rrezikon të prishë marrëdhëniet mes Cristiano Ronaldos dhe trajnerit të Al Nassr, Rudi Garcia, ende pa nisur bashkëpunimi.

I pyetur mbi mbërritjen e CR7-ës, trajneri francez u përgjigj me humor, duke thënë se preferonte Messin, megjithatë në këtë fazë, vështirë se portugezi mund ta pranojë një batutë të tillë.

Cristiano Ronaldo firmosi në ditët e fundit të vitit të kaluar me arabët e Al Nassr, ku do të përfitojë 500 milionë euro deri në verën e 2025-ës dhe më pas e pret një tjetër kontratë milionere, si ambasador i Arabise Saudite në lobimin për të marrë të drejtën e organizimit të Botërorit.