Trump shpall fitoren/ CNN: E turpshme, s’e kemi dëgjuar kurrë një President të flasë kështu, po bën presion …

Gazetarët e CNN, kanë shpërthyer keq kundër fjalimit të Donald Trump, i cili vetëm pak minuta më parë shpalli fitoren e zgjedhjeve, ende pa mbaruar votimi. Teksa janë në transmetim maratonë, fjalimin e Trump për pritjen e një feste madhështore, gazetarët Meg Wagner , Melissa Macaya, Veronica Rocha , Melissa Mahtani dhe Amanda Wills, vunë ‘alarmin’.

Sipas tyre, Trump në këtë formë po ushtron presion ndaj votuesve që të mos shkojnë më për të votuar.

“Kjo është e turpshme. Ai pothuajse u bëri thirrje njerëzve që të mos shkonin më për të votuar, pasi praktikisht shpalli fitoren. Si mund të shpallësh fitoren? Numërimi nuk ka mbaruar ende….Është e patolerueshme,”- tha Meg Wagner.

Më pas, gazetarët në studio, e ndoqën pas.

“Po vërtet, kjo është e tmerrshme dhe një mungesë respekti e thellë për të gjithë ata votues,”– shtuan më tej.

“Nuk kam parrë kurrë një President që ta bëjë këtë gjë. Çfarë e shtyn një President që të shumëfishojë me fjalë votat e tij dhe t’i kthejë në miliona, ndërkohë që nuk ka aq,”- tha më pas një gazetare tjetër.

Deri më tani, Biden ka marrë 224 vota elektorale në krahasim me 213 që ka marrë Trump.