Dita e parë e samitit të G7 që po mbahet në Puglia të Italisë është mbyllur me një përplasje të ashpër mes kryeministres italiane Giorgia Meloni dhe presidentit francez Emmanuel Macron. Mes të dyve dihet që nuk ka pasur asnjëherë marrëdhënie të mira dhe ky ishte rasti për të përplasur edhe një herë brirët.

Presidenti francez shigjetoi kryeministren italiane duke u shprehur se “është për të ardhur keq që fjala abort mungon në deklaratën përfundimtare të G7. Janë ndjeshmëri të ndryshme, por unë respektoj zgjedhjen e popullit italian…” Një batutë ndaj Melonit e bëri edhe kur u pyet për kampionatin europian. “Pjeprat (meloni italisht) janë më të fortë, por bilanci mbetet po ai”.

Kjo ka ngjallur reagimin e kryeministres italiane që akuzoi Macron se po bën fushatë elektorale brenda G7: “Nuk ka asnjë arsye për të debatuar për çështje për të cilat kemi rënë dakord prej kohësh. Unë besoj se është thellësisht e gabuar, në kohë të vështira si këto, të bësh fushatë duke përdorur një forum të çmuar si G7” – tha Meloni.

Një sherr mes deputetëve shpërtheu në Parlament gjatë diskutimit për autonomi të diferencuar me deputetin e Lëvizjes Pesë Yjet, Leonardo Donno, i cili po përpiqej t’i jepte një flamur trengjyrësh ministrit Calderoli, u godit dhe u rrëzua përtokë.

Menjëherë më pas ai u largua nga salla me karrocë. Sipas asaj që u raportua nga Marco Grimaldi i Avs, ishte një anëtar i Lega Nord ai që goditi Donnon  gjatë zhurmës.

Menjëherë është thirrur konferenca e kryegrupeve të Dhomës.

Kishte një protestë nga opozita kundër reformës së autonomisë së padiferencuar: në sallë u vendosën flamuj trengjyrësh dhe u përmend himni i Mamelit, ndërsa disa deputetë pushtuan bankat e qeverisë duke thirrur “turp”.

Seanca u ndërpre menjëherë. Pak para se të dilnin nga dhoma, disa deputetë brohoritën “Bella ciao”.

Udhëheqësi i Koresë së Veriut, Kim Jong Un, ka thënë se vendi i tij ka një “miqësi të pamposhtur” me Rusinë, teksa së shpejti pritet që presidenti rus Putin të vizitojë vendin aziatik.

Duke shënuar Ditën Kombëtare të Rusisë, Kim tha se takimi i tij me Putinin në një objekt nisjeje hapësinore ruse vitin e kaluar ngriti lidhjet e “marrëdhënies së tyre strategjike shekullore”.

Mesazhi erdhi pasi gazeta ruse Vedomosti të hënën raportoi se Putin do të vizitonte Korenë e Veriut dhe Vietnamin në javët e ardhshme.

Një zyrtar në Vietnam i tha Reuters se udhëtimi në Vietnam ishte planifikuar për 19 dhe 20 qershor, por ende nuk është konfirmuar. Kremlini ka thënë se Rusia dëshiron të nxisë bashkëpunimin me Korenë e Veriut “në të gjitha fushat”, por nuk e ka konfirmuar datën e vizitës së Putin.

Kim udhëtoi në Lindjen e Largët të Rusisë shtatorin e kaluar, duke vizituar qendrën e nisjes hapësinore të Vostochny Cosmodrome, ku Putin i premtoi se do ta ndihmonte në ndërtimin e satelitëve.

Pheniani dhe Moska kanë rritur gjithnjë e më shumë marrëdhëniet diplomatike dhe të sigurisë, duke pritur delegacione qeveritare, parlamentare dhe delegacione të tjera në muajt e fundit.

Një tjetër rast femicidi është regjistruar në Itali dhe këtë herë ka qenë e rëndë mënyra sesi burri ka vepruar pasi i ka marrë jetën ish-partneres së tij.

Mediat italiane raportojnë se pasi i mori jetën ish-partneres, 48-vjeçari nga qyteti i Modenas u paraqit në komisariatin e policisë, duke mbajtur trupin e saj të pajetë në bagazhin e makinës që kishte parkuar jashtë.

Andrea Paltrinieri më pas ka pranuar se ka vrarë ish-partneren, Anna Sviridenko, duke rrëfyer se e ka mbytur me një kabllo elektrike dhe i ka mbuluar fytyrën me një qese plastike për t’ia bërë të pamundur frymëmarrjen.

Një oficer policie francez është duke u marrë në pyetje, pasi një 19-vjeçar dyshohet se u qëllua për vdekje teksa u përpoq të ikte nga një ndalesë trafiku për shkak të shpejtësisë, thanë prokurorët.

Viktima ishte mes tre personave në makinë kur policia u përpoq t’i ndalonte pranë Cherbourg-en-Cotentin në Normandi, Franca perëndimore të dielën vonë, tha prokurori i shtetit Pierre-Yves Marot në një deklaratë.

Shoferi dyshohet se refuzoi të ndalonte dhe vazhdoi të ngiste makinën, përpara se të ndalohej nga një makinë e dytë e policisë, sipas deklaratës. Të tre pasagjerët e mjetit më pas tentuan të largoheshin në këmbë.

Njëri u arratis, një tjetër u ndalua dhe një tjetër dyshohet se u qëllua nga një oficer në gjoks, tha zyra e prokurorit.  “Personi i tretë, një 19-vjeçar nga Cherbourg-en-Cotentin, u përball me oficerët e patrullës së dytë dhe u përplas me njërin prej tyre ndërsa përpiqej të ikte,” pretendoi prokurori në citatet e cituara nga agjencia e lajmeve AFP.

“Oficeri më pas përdori një armë trullosëse”, ndërsa një koleg “përdori armën e shërbimit, duke e goditur për vdekje në gjoks”. Oficeri po mbahet për t’u marrë në pyetje mbrëmjen e së hënës nga departamenti i punëve të brendshme të rregullatorit policor IGPN. Ngjarja vjen pothuajse një vit pasi trazira intensive dhe të përhapura përfshinë Francën pas vrasjes së një 17-vjeçari gjatë një ndalese trafiku në periferinë e Parisit, Nanterre. Një polic në atë rast u akuzua për vrasje.