VUÇIÇ KRYQEZOHET/ Rusia akuzoi përsëri Serbinë për shitjen e armëve në Ukrainë

Rusia ka akuzuar përsëri Serbinë për shitjen e municioneve të artilerisë në Ukrainë përmes ndërmjetësve në Evropën Lindore, akuza e dytë e tillë brenda një muaji.

Në një deklaratë të publikuar në faqen e saj të internetit, agjencia ruse e inteligjencës SVR tha se Serbia po vazhdon te shese arme.

Ata pretendojnë se dy kompani serbe shitën raketa dhe predha mortajash, përmes dy firmave në Republikën Çeke dhe Bullgari.

“Prodhuesit serbë janë të vetëdijshëm për konsumatorët e vërtetë të produkteve të tyre dhe se raketat dhe predhat e tyre do të vrasin ushtarë rusë dhe banorë të vendbanimeve ruse”, tha SVR.

Si kujtesë, Vuçiç njoftoi pas një takimi me gjeneralë të lartë ushtarakë në Beograd të hënën se vendi kishte ndaluar të gjitha shitjet e armëve.

Në maj, ai dekaroi se Beogradi dhe Moska do të hetonin se si municionet e prodhuara në Serbi përfunduan në Ukrainë, pasi SVR bëri akuza të ngjashme që acaruan marrëdhëniet midis dy vendeve.

Duke folur në Moskë të hënën, zëdhënësi i Kremlinit Dmitry Peskov tha se priste që Beogradi të “merrte masa” për të frenuar shitjet e tilla të armëve.