Serbia ka shpenzuar të gjitha përpjekjet e saj për të luftuar kundër Rezolutës për Srebrenicën, për të cilën do të vendoset në Kombet e Bashkuara. Argumenti i qeverisë është se kjo rezolutë e paraqet popullin serb si gjenocidal.

Historiani dhe ish-diplomati serb Millan Protiç, duke folur për këtë tem aka theksuar se qeveria në Serbi, gjegjësisht presidenti Aleksandër Vuçiç, është ai që e paraqet popullin serb si gjenocidal dhe ia kalon fajin e vet individual, të gjithë kombit.

Duke iu referuar deklaratës së presidentit të Serbisë para dënimit të Ratko Mlladiçit për krime në Srebrenicë, “se populli serb po përballet me një situatë të vështirë”, Protiç ka theksuar se në atë deklaratë shihet se Vuçiç eshta ai që e përfaqëson popullin serb si gjenocidal.

“Sepse kjo ka të bëjë me përgjegjësinë individuale të një njeriu që u soll para kësaj gjykate për shkak të asaj që ai ka bërë. Vuçici nuk ka thënë se ai mendon se Mlladici është fajtor apo nuk është fajtor, por përgjegjësinë ia bart popullit serb duke thënë se nëse ai dënohet, do të dënohet i gjithë populli serb” – ka deklaruar Protiç

Ai gjithashtu ka shpjeguar se argumentimi i Serbisë se janë viktima sepse sipas presidentit serb, të gjithë po komplotojnë kundër saj.  Per Vuçiçin, nomeklaturen dhe politiken serbe, individet qe kane kryer krime, janë më të rëndësishem se interesat e popullit.

“Prandaj edhe sot e kësaj dite përdoret retorika qe ben pergjegjes te gjithë kombi dhe shtetin,  për të mbrojtur ata që janë fajtorë dhe përgjegjës” – ka theksuar Protiç

Ai gjithashtu ka shpjeguar se politikës që po kryhet në Beograd dhe Banjalluka i mungon shumë konsistenca dhe logjika, dhe se qëndrimi ndaj krimit në Srebrenicë është relativizuar në atë masë saqë konsiderohet e arsyeshme që ajo masakër e tmerrshme, të cilën gjykata e cilësoi si gjenocid, në çdo mënyrë duhet të justifikohet, për ta shfaqur Serbinë para publikut ndërkombëtar si një vend që ka pozicionin e tij mbrojtës”.

Protic ka vlerësuar gjithashtu se më e keqja nga të gjitha është politika shtetërore ndaj Rezolutës për Srebenicën. Duke thënë se në vend që Serbia të mbështesë rezolutën dhe kështu të tregojë qëndrimin e saj ndaj asaj që ndodhi në Srebrenicë, shteti po ndjek një politikë aktive për të minimizuar faktin e tmerrshëm për atë që u bë në Srebrenicë.

“Po kërkohen të gjitha mënyrat për ta zbutur rezolutën, për ta relativizuar atë” – ka potencuar ish ambasadori serb………………………………..

Duke komentuar njoftimin se në rast se rezoluta miratohet, Serbia do të kërkojë të bëhet anëtare jo e përhershme e Këshillit të Sigurimit dhe më pas do të propozojë rezoluta për gjenocidin në Jasenovac dhe vende të tjera, Protic u shpreh se ato rezoluta nuk do të kalojnë për disa arsyet.

Përkatësisht, konventa për gjenocidin është miratuar vetëm në vitin 1948 dhe nuk mund të zbatohet në mënyrë retroaktive për krimet e kryera më herët, edhe pse ato mund të kenë peshën e gjenocidit.

“Kjo nuk do të thotë se ata nuk e kanë atë peshë, por nuk mund të kualifikohen gjenocid. Holokaust do të thotë tokë e djegur, nuk mund të cilësohet si gjenocid në kuptimin juridik” – shpjego historiani.

Duke krahasuar ndjenjën e fajit që gjermanët kanë ende sot për shkak të gjenocidit të kryer nga Gjermania naziste dhe atij të kryer në Srebrenicë, Protic vëren se ndryshimi i rëndësishëm është se Srebrenica nuk ishte një projekt shtetëror dhe politikë shtetërore, por “një krim i pafalshëm i një grupi njerëzish që morën përsipër të vendosin për jetën dhe vdekjen e disa mijëra njerëzve”.

“Prandaj është shumë më e lehtë për ne të tregojmë të vërtetën për këtë para gjithë botës, sepse ne nuk mbajmë përgjegjësi. Askush prej nesh nuk e dinte cdo ndodhte në atë kohë,” shpjegoi protic

Ai mendon gjithashtu se shteti serb është dashur të mbajë të njëjtin qëndrim ndaj hyrjes së Kosovës në Këshillin e Evropës dhe të ishte sponsor i këtij fakti, në vend që të sillej në mënyrë të papjekur.

“Perëndimorët mendojnë se Serbia nuk është aq e zgjuar për të zgjedhur rrugën e saj të drejtë, sepse po të ishte e zgjuar do të bënte lëvizje që nuk janë në dëm të saj. Kështu ata arrijnë qëllimet e tyre pa pasur nevojë të ofrojnë asgjë në këmbim. Nëse pranimi i Kosovës në OKB do të identifikohej me pranimin e Serbisë në BE, atëherë gjërat do të dukeshin ndryshe dhe pak më serioze, dhe atëherë, sipas mendimit tim, ato negociata do të kishin njëfarë rëndësie për të ardhmen e Serbisë dhe për te ardhmen e Kosovës” – ka potencuar ish diplomati serb milan Protic

Eksperti i kriminalistikes Karamuco  ne lidhje me sulmet e Metes ndaj kreut te SPAK se ne vijim te hetimeve nga institucioni me t larte i hetimit, shume politikane, perfshire dhe Meten kur shohin se afrohet drejt tyre hetimi, atehere mendojne se SPAK e ka seriozisht kesaj radhe.

“keta jan e mesuar qe per 30 vite drtejtesia se ka pasur asnjehere seriozisht anjehere me ta”, eshte shprehur Karamuco. Duke marre si rast Meten, ai thote se reagimi ka ardhur per shkak se hetimet jane afruar shume.

Njeheresh ai tha se jane ne liste shume politikane, dhe kjo lexohet ne shqetesimin e politikaneve per fatin e tyre. Per te do te kete shume zhvillime.

Ai ka folur ne lidhje me zhvillimet politike dhe pamundesine qe McGonigal te depertonte ne SPAK, pasi kishte koleget e tij te FBI dhe dekonspirohej, dhe per te akuat se ish zyrtarish i FBI ka kontaktuar me prokurore te SPAK eshte e pabaze.

Karamuco tha se ka pare shume politikane qe nxehen aq shume “sa vene dore mbi vartesit e tyre ne zyra. Politikanet qe jane nen akuze po rrahin vartesit neper zyra, kane humbur kontrollin. Ne publik perdorin gjuhen e papranueshme’.

Avokati Rezart Kthupi dhe njëherazi Sekretari për Reformën Zgjedhore në PD, i ftuar në studion e emisionit “Open” ka komentuar deklaratat e fundit të Ilir Metës ndaj SPAK dhe kryeprokurorit Altin Dumani.

Ai u shpreh se për disa muaj Meta ishte i qetë në daljet e tij dhe se sulmi i fundit ndaj SPAK tregon se diçka ka ecur përpara në dosjen ndaj tij.

Sipas tij fakti që Meta përmend konkretisht emrin e Kastriot Ismailajt tregon se ka një shqetësim lidhur me këtë të fundit ose një dëshmi që ai mund të ketë dhënë për SPAK.

Kthupi u shpreh se sipas informacioneve që ka, dosja ndaj Metës është në përfundim dhe prokuroria është gati për ta marrë si të pandehur.

“Meta ishte shumë i qetë për një periudhë kohore dhe rikthehet këto ditë me një sulm frontal ndaj SPAK. Diçka ka ecur përpara në dosje, logjika të bën ta mendosh këtë. Fakti që Meta përmend emra konkretë tregon se ka një shqetësim me këtë emër, më konkretisht Kastriot Ismailaj. Nëse ai ka diçka për ta thënë është detyra e prokurorit të shkojë në burg ta pyesë. Meta ose ka frikë nga diçka që mund të thotë Ismailaj ose prokurori nuk do të shkonte. Sipas informacioneve që kam dosja është në përfundim dhe prokuroria do të shkojë ose ka shkuar në gjykatë me kërkesën për masën e sigurimit ose për kërkesën për gjyq. Jemi në kushtet kur do të dalë një vendim gjykate me të cilin Meta shkon drejt masës së sigurimit, ose hetohet në gjendje të lirë. Prokuroria është gati për ta marrë si të pandehur”, u shpreh Kthupi.

Mbrëmjen e djeshme në studion e Grida Dumës, çështja që është sjellë në diskutim me të ftuarit, është sjellja agresive dhe gjuha kërcënues e Ilir Metës ditët e fundit, drejtuar zyrtarëve të SPAK, e në mënyrë të drejtpërdrejtë të drejtuesit të këtij institucionit, Altin Dumani.

Gazetari Armand Bajrami, tregoi se cilat janë tre çështjet që SPAK po heton në lidhje me Ilir Metën dhe bashkëshorten e tij Konika Kryemadhi, të cilat kanë ndikuar në këtë sjellje.

Pjesë nga diskutimi në studio:

Duma: Cilat janë dosjet që e kanë çuar Ilir Metën në këto reagime?

Bajrami: Janë tre dosje penale që objekt hetimi dhe verifikimi është dhe Ilir Meta. E para dosja CEZ DIA, për korrupsion, shpërdorim detyre dhe pastrim parash. Meta ka dhënë dy herë deklarime në Prokurorinë e Posaçme. Për herë të fundit ka qenë në SPAK në tetor të 2023, ku e konsideroi si telenovelë. Kjo besoj se është një nga çështjet që mund të jetë në limit të përfundimit të saj.

Tjetër çështje në hetim, janë disa kallëzime nga Halit Valteri që ngre dyshime për shkelje ligjore të kryera nga Meta-Kryemadhi, duke ngritur dyshime për një pagesë të kryer në SHBA prej 700 mijë dollarë për lobim të LSI në atë kohë, të drejtuar atëherë nga Monika Kryemadhi.

Hetim tjetër është për Kryemadhin, nga avokati Idajet Qeqiri që ngre dyshime se ajo kishte kryer disa shërbime shëndetësore dhe estetike jashtë vendit dhe paratë ishin bërë nga para të pajustifikuara.

Dua të theksoj dhe një moment tjetër, referuar praktikës sidomos që zoti Dumani bën në hetimin e dosjeve të tij, hetim kapilar, çka do të thotë dhe pyetja ne njerëzve që në sytë e gazetarëve janë të parëndësishëm, pra njerëz të zakonshëm janë pjesë e deklarimeve që mund të kenë dhënë deklarime me vlerë.

Duma: Dosja që e agresivon sot Metën?

Bajrami: Që është një dosje penale ajo që ka bërë Metën të ketë sjelljet e fundit, besoj se është CEZ DIA, meqë mund të jetë dhe drejt fundit.

Emisioni “Në Shënjestër” nga Klodiana Lala ka trajtuar mbrëmjen e sotme atentatin ndaj Gentian Bejtjas në Fushë Krujë, i cili u ekzekutua me breshëri plumbash pranë banesës së tij pak javë më parë.

Pjesë nga dokumentari:

A mundet të jetë kjo një nga vrasjet më të sofistikuara, ku grupi kriminal që kreu ekzekutimin e Gentjan Bejtjas, brenda oborrit të banesës së tij, të jetë treguar aq i kujdesshëm në lëvizje, sa të ketë fshirë çdo gjurmë të mundshme të vrasjes. Edhe pse kanë kaluar më shumë se një muaj nga dita e ekzekutimit dhe krimi mund të duket deri diku perfekt, dhe pavarësisht mënyrës gati sterile të të bërit të punës, duket se jo gjithçka ka shkuar në perfeksion për togën e qitësve dhe porositësit e vrasjes. Mesa duket gjatë largimit të tyre nga vendi i ngjarjes, në arratinë për ti shpëtuar policisë, nuk kanë mundur t’i shpëtojnë kamerave të sigurisë, por edhe syrit të dëshmitarëve okularë. Ata i kanë parë të maskuar jo shumë larg vendit të ngjarjes, vetëm pak minuta pasi krimi u konsumua pasditen e datës 15 mars në fshatin Larushk të Fushë-Krujës. Për herë të parë, emisioni ‘Në Shënjestër’ do të publikojë nëpërmjet këtij rrëfimi se çfarë ndodhi në orët që pasuan vrasjen e Gentjan Bejtjes, ku të arrestuar tashmë janë Ilir Beqaraj i cili mban edhe mbiemrat Brahimi dhe Mancellari, lindur në Milot, por banues në Tiranë si dhe Edison Haxhiu, edhe ky lindur në Milot dhe banues në kryeqytet. Të dy me arsim 8 vjeçar, ndërsa i pari jeton në një nga vilat e komplekseve luksoze në periferi të Tiranës.

Por ajo çka duket se i ka tradhtuar dy të ndaluarit e parë mbi këtë ngjarje kriminale, ka qenë lëvizja e një automjet tip Golf i Zi, pranë vendit ku u dogj makina e autorëve. Ky automjet është parë të lëvizë me shpejtësi pranë fshatit Hasan, ku edhe u gjet i shkrumbuar mjeti tip Land Rover i dyshuar, se u përdor në krim.

 “Më datë 15 Mars 2024, rreth orës 16:14 persona të paidentifikuar kanë vrarë me armë zjarri, në ambientet brenda oborrit të banesës së tij në fshatin Larushk, Fushë-Krujë, shtetasin Gentjan Bejtja.  Ku autorët pasi kanë realizuar qëllimin kriminal janë larguar me një automjet të markës ‘Land Rover Discovery’ me ngjyrë të zezë, që pak minuta më pas e kanë braktisur dhe djegur në fshatin Hasan, Fushë Krujë”, thuhet në dosje.

Por ndërsa mendohej se krimi u krye nga një makinë e vetme, në këtë rast Land Rover Discovery, grupi i hetuesve ka bindjen se në këtë ngjarje të pranishme kanë qenë dy automjete, që më pas kanë ndarë rrugët e tyre. Një nga këto automjete të identifikuara edhe nga kamerat e sigurisë është edhe një Golf i Zi, që më pas u verifikua se i përkiste shtetasit Edison Haxhiu, tashmë i ndaluar nga policia.

 “Nga këqyrja paraprake e kamerave të sigurisë të marra nga një subjekt privat në rrugën kryesore, që lidhet me rrugicën që të dërgon në banesën e shtetasit Gentjan Bejtja, rezulton se në orën 16:14 aty futet një automjet në dukje i markës ‘Land Rover’ Discovery me ngjyrë të zezë, që dy minuta më pas, në orën 16:16 largohet duke dalë në rrugën kryesore dhe lëvizur në drejtim të mbikalimit të Fushë- Krujës. Nga të dhënat e siguruara ně rrugë operative, është mësuar se autorët pasi kanë djegur mjetin e markës ‘Land Rover’, në fshatin Hasan, Fushë-Krujë janë ndarë dhe larguar në drejtime të ndryshme. Përkatësisht me një automjet tip ‘Golf’ me ngjyrë të zezë pa targë në pjesën e pasme dhe një mjet tjetër”, thuhet në dosjen hetimore.

Po ndërsa automjeti tip ‘Land Rover’, që u pa të hynte dhe të dilte në harkun kohor të dy minutave në rrugicën që të çon në banesën ku më pas u vra Gentjan Bejtja, u verifikua që ishte i vjedhur në muajin korrik të vitit 2023 në qytetin e Shkodrës, ndërsa targat në Tiranë, në fillim të vitit 2024, mjeti tjetër tip ‘Golf’ i zi i dyshuar se është përdorur në krim, është parë të lëvizë pa targa të pasme pranë vendit ku po digjej makina e autorëve.

“Nga këqyrja e kamerave të sigurisë të subjekteve private pranë vendit ku po digjej makina ‘Land Rover Discovery’, në fshatin Hasan të Fushë-Krujës, është parë të lëvizë me shpejtësi një automjet tip ‘Golf’ me ngjyrë të zezë. Që më pas konstatohet në autostradë, në sens lëvizje Fushë Krujë-Vorë, dhe teksa futet në fshatin Bubq. Mjeti tip ‘Golf’ me ngjyrë të zezë, që rezulton se nuk ka targa të pasme”, thuhet në dosje.

Por kjo nuk është lëvizja e vetme që mjeti tip ‘Golf’ kryen përgjatë këtij intervali kohor. Edhe pse në momentin e parë, grupi hetues nuk mundi të shquajë nëpërmjet pamjeve filmike, targën në pjesën e përparme të automjetit, në mungesë të atyre të pasme, kjo gjë u mundësua pasi kjo makinë shikohet teksa lëviz në një tjetër itinierar. Këtë herë vetëm 25 minuta pasi ishte kryer vrasja e Gentjan Bejtjas, në zonën e Ishmit në Durrës. Nëpërmjet targës u arrit të identifikohej edhe pronari i automjetit.

 “Në orën 16:40, automjeti ‘Golf’ shfaqet në lëvizje në Ishëm, nga ku dallohet targa e parë ‘AB 960 GG’. Nga verifikimet në sistemin E-gjoba, rezulton se targa ‘AB 960 GG’ i përket automjetit të markës ‘Wolksvagen’, modeli ‘Golf’ me ngjyrë të zezë, në pronësi të shtetasit Edison Haxhiu, lindur në Milot dhe banues në Tiranë. Automjet që figuron ‘Alert’, pasi më datë 12 Gusht 2022 është konstatuar nga radarët e policisë rrugore, duke qarkulluar në aksin rrugor Laç-Thumanë, me shpejtësi tej normave të lejuara”, thuhet në dosjen hetimore.

Do të ishte pikërisht ky konstatim që do të çonte edhe në identifikimin e një personi të dytë, që edhe ky dyshohet se është një nga personat që ka marrë pjesë si bashkëpunëtor në vrasjen e Gentjan Bejtjas, pasditen e 15 marsit në serën në oborrin e banesës së tij në fshatin Larushk të Fushë-Krujës.

Ky person do të ishte Ilir Beqaraj që mbante edhe mbiemrat Brahimi dhe Mançellari, i cili del se kishte hyrje-dalje të shumta nga pikat kufitare me mjetin tip ‘Golf’ të zi, bashkë me pronarin e këtij automjeti, Edison Haxhiu dhe një person të tretë të identifikuar me inicialet A.M.

 “Nga verifikimet në sistemet që administrohen nga Policia e Shtetit, rezulton se me automjetin e markës ‘Golf’ me targa ‘AB 960 GG’, kanë udhëtuar dhe janë regjistruar në hyrje-dalje, të vendkalimeve kufitare përveç pronarit Edison Haxhiu dhe shtetasi A.M dhe Ilir Beqaraj (alias Brahimi, apo Mançellari) lindur në Milot dhe banues në Tiranë. Ku në vijim janë administruar dhe këqyrur pamje filmike përgjatë intenerarit që dyshohet se kanë përshkruar autorët për t’u afruar dhe larguar nga vendi i ngjarjes”, thotë dosja.