12 gola në dy ndeshje, Arsenali dhe Liverpooli kalojnë në 1/8 e Carabao Cup

Pas Manchester City, Chelseat, Man. United, Leicester dhe Tottenham, në raundin e 1/8 të Carabao Cup të Anglisë kanë kaluar edhe Arsenali dhe Liverpooli.

Në ‘Emirates’, Arsenali fitoi 5-1 kundër Bolton. Declan Rice, Nuaneri (dopietë), Sterling dhe Havertz ishin autorët e golave, teksa për miqtë shënoi Collins. Trajneri i Arsenalit, Mikel Arteta e ka bërë të paharrueshëm datën 25 shtator 2024 për mbrojtësin Maldin Kaçurri. Djaloshi i ekipit U-19 të Shqipërisë debutoi me ekipin A të ‘Topçinjve’ në ndeshjen e Carabao Cup

Në ‘Anfield’, Liverpool fitoi 5-1 kundër Uest Ham. Ishin miqtë që kaluan në epërsi me autogolin e Quansah, para se Diego Jota dhe Gakpo me dopieta, e Salah të përmbysnin gjithçka.

Në fazën tjetër përballen këto çifte: Brentford – Sheffield, Southampton – Stoke, Tottenham – Man. City, Aston Villa – Crystal Palace, Preston – Arsenal, Brighton – Liverpool, Man. United – Leicester dhe Uimbledon/Neucastle – Chelsea.