12 të vdekur dhe 3 të plagosur nga shpërthimi në fabrikën e eksplozivëve në Turqi

Autoritetet turke kanë bërë me dije se 12 njerëz u vranë dhe tre të tjerë u plagosën në një shpërthim në një fabrikë që prodhonte eksploziv në Karesi, një qark i provincës perëndimore të Turqisë, Balıkesir, të martën.

Mediat lokale raportuan se fabrika, e hapur në vitin 2014, prodhonte municione për armë të lehta.

Mediat turke cituan guvernatorin e Balıkesir, İsmail Ustaoğlu, duke thënë se ata përjashtuan sabotimin si shkak të shpërthimit.