Anija shqiptare shpëton 13 emigrantë në detin Egje, mes tyre dy fëmijë (FOTO)

Anija shqiptare, pjesë e misionit të NATO-s ka marrë pjesë në një operacion për shpëtimin e 13 emigrantëve që po lundronin me varkë. Ministri Pirro Vengu bën me dije se operacioni është zhvilluar në Detin Egje në bashkëpunim të ngushtë me Rojet Bregdetare të Greqisë dhe Turqisë. Mes emigrantëve ishin edhe dy fëmijëve.

Postimi:

Një tjetër operacion i suksesshëm nga djemtë dhe vajzat tona të Forcës Detare! Anija “Butrinti” P-134, pjesë e misionit të NATO-s në Detin Egje, finalizoi operacionin e kërkim-shpëtimit (SAR), duke u ardhur në ndihmë 13 emigrantëve, mes tyre 2 fëmijë. Operacioni u zhvillua në bashkëpunim të ngushtë me Rojet Bregdetare të Greqisë dhe Turqisë, dhe përfundoi pa asnjë incident. Ky është operacioni i katërt SAR i kryer nga Forca Detare shqiptare në Egje gjatë vitit 2025 me 111 jetë të shpëtuara. Të gatshëm përherë!