Connect with us

Lifestyle

50 kuriozitete të rralla nëpër botë

Published

on

Shpesh njerëzit takohen me kuriozitete të rralla që ndodhin nëpër Botë. Disa mbesin mister kurse disa të tjera shpjegohen në mënyra të ndryshme, më shumë si fenomene.

1. Femra që ka lindur më shumë fëmijë është një ukrainase. Ajo ka lindur 69 fëmijë, nga të cilët vetëm dy i kishin vdekur gjatë lindjes.

2. Fëmija më i rëndë në botë është lindur në vitin 1954 nga italiania Carmelina Fdele nga Aversa. Djali i saj peshonte ditën e lindjes 10,2 kg.

3. Bethoveni para se të kompozonte fuste kokën në ujë. Ainstein deri në moshën 9 vjeç nuk fliste normalisht.

4. I vetmi majmun që është dënuar nga një gjykatë e vërtetë është shimpanzeja Coco në Florida, në vitin 1984. Ky majmun jetonte me një të papunë artist, i cili jepte spektakle të vogla. Shuma e vjedhur arrinte vlerat 200 000 USD. Ai u dënua me burgim të përjetshëm.

5. Libri që mban rekordin më të madh për shitje është ai i Hillary Clintonit, me librin autobiografi “Histori e përjetuar”. Në ditën e parë të hedhjes në treg të këtij libri, në qershor të vitit 2003, u shitën në një ditë (rekord) 200 000 ekzemplarë të tij.

6. Mbiemri më i shpeshtë në botë në rangun internacional është mbiemri Chang. Rreth 75 milionë njerëz në Kinë kanë këtë mbiemër. Vendin e dytë e ka mbiemri Smith në Angli. Rreth 800 000 veta e kanë këtë mbiemër.

7. Kazinoja më e madhe e botës gjendet në MGM – HOTEL, në metropolin e Las Vegasit. Në një sipërfaqe afërsisht 16 000 kuadrat metër, gjenden pothuajse 3500 automate të lojërave të ndryshme dhe 165 tavolina loje.

8. Biblioteka më e madhe në botë gjendet në kryeqytetin amerikan Uashington. Kjo bibliotekë u ndërtua në 24 Prill 1800. Në të gjenden 107 milionë shkrime të të gjitha arteve.

9. I vetmi elefant në botë që flet është pjesëtar i një cirku rus. Ky elefant mundet të thotë deri në 20 fjali. Elefanti ka jetuar që në vogëli mes njerëzve dhe ka arritur të artikulojë tinguj njerëzish.

10. Burri më i shkurtër në botë është Gul Mohammed nga India. Pas matjeve të bëra më 19 qershor 1990 në spitalin “Rahm Manohar” të New Delphit (In), u arrit se ai është vetëm 57 cm dhe mban deri më sot rekordin.

11. Si gruaja më e vogël në botë deri me sot është konsideruar Pauline Musters, e lindur në 26 nëntor 1876 në Holandë. Mbas lindjes së saj, ajo ishte vetëm 30 cm. Në moshën 9-vjeçare ajo ishte 55 cm dhe peshonte vetëm 1,5 kg, ndërsa në moshën 19-vjeçare ajo arriti vetëm në 61 cm e gjatë.

12. Shteti që konsumon më shumë bukë në botë është Turqia. Llogaritjet tregojnë se mesatarja e çdo personi në përdorimin e bukës arrin në 199,6 kg.

13. Pijanecët më të shumtë në botë janë në Irlandë. Çdo personi i takon të pijë mesatarisht 12,3 litër pije alkoolike, verë, birrë etj.

14. Duhanxhinjtë më të shumtë ndodhen në Kinë. Sipas llogaritjeve të fundit, në Kinë janë shitur 1,69 bilionë cigare (më shumë se në çdo vend tjetër). Në gjithë botën janë shitur 5,5 bilionë cigare.

15. Operacioni më i gjatë në botë ka zgjatur 96 orë gjithsej. Ka nisur në datën 4 deri në datën 8 shkurt të vitit 1951, në një spital të Çikagos. Pacientja Getrude Lewandowski mbas operimit kishte reduktuar peshën e saj gjatë këtyre 96 orëve, nga 280 kg në 140 kg.

16. Rekordin për gjatësi për gratë e mban Zeng Jinlian nga Kina. Ajo tashmë ka vdekur, por rekordi nuk është thyer akoma. Ajo ishte 2 metër e 48 cm. (Ka vdekur më 13 shkurt 1982).

17. Rekordin për gratë me peshë më të rëndë mban amerikania Rosalie Bradford. Në janarin e vitit 1987 ajo arriti dhe kulmin e peshës së saj, me 544 kg.

18. Doktori më i ri në botë është Balamurali Ambati, i lindur në Amerikë më 29 qershor 1977. Ai u diplomua në Maunt Sinai SChool of Medicine në New York City, më 19 maj 1995, në moshën 17-vjeçare.

19. Binjakët më të rëndë në botë janë vëllezërit Billy Leoni, (lindur me 1946 dhe që vdiq në vitin 1979) me të vëllanë Benny LLoyd, po i lindur në vitin 1946 dhe që vdiq në vitin 2001. Ata peshonin pas moshës 6-vjeçare, njeri 337 kg dhe tjetri 328 kg.

20. Si mamaja më e vjetër në botë deri më sot mbahet Rossana dalla Corte, e cila lindi më 18 qershor 1994, në moshën 63-vjeçare, një djalë.

21. Sipas studimeve më të fundit, një mashkull harxhon mesatarisht 3350 orë gjatë gjithë jetës së tij duke u ruajtur e qethur.

22. Kur thyhet një xham disa copëza shpërndahen me shpejtësi 3000 milje në orë. Ndërkohë që shpejtësia e të tjerave është shumë herë më e vogël.

23. Ajsbergu më i madh i matur deri më sot ka qenë me gjatësi 200 milje dhe gjerësi 60 milje, ai ka pasur një sipërfaqe më të madhe se Belgjika.

24. Dallga më e madhe e regjistruar deri më sot ka qenë në vitin 1971 në ishullin Ishigaki, Japoni, me lartësi 85 m.

25. Në një natë të kthjellët, sipas astrologëve amerikanë, çdo njeri mund të shohë jo më pak se rreth 2000 yje me sy të lirë.

26. Vetëm mushkonjat femra pickojnë, ndërkohë që mushkonjat e seksit mashkull duan të “sorrollaten” në zona të ndotura si këneta, etj.

27. Në 1 kg limon ka më tepër sheqer se në 1 kg luleshtrydhe. Sipas dietologëve, është më mirë që limoni të konsumohet i shtrydhur në ujë.

28. Shteti me më tepër rrugë të asfaltuara në të gjithë botën mendohet të jetë Franca. Madje kjo është shënuar edhe në rekordet Gines.

29. Një shqiponjë mund ta shohë prenë e saj që 3000 metra larg, ndërkohë që kuajt mund të qëndrojnë deri në 1 muaj në këmbë.

30. Është vërtetuar që asnjë person nuk mund të teshtijë pa i mbyllur sytë. Shkencëtarët kanë bërë edhe eksperimente për këtë dhe kanë arritur në përfundimin se është e pamundur.

31. Nga barku i vajzës 20-vjeçare nga Devoni Jugor, Angli, u nxor “topi” nga qimet e flokëve të saj të cilat i kishte gëlltitur. Ai ishte i rëndë 2,5 kg. Operimi u realizua në mars 1985.

32. Kompjuterat modern janë ndërtuar duke u bazuar në sistemin nervor, por edhe kompjuteri modern nuk i afrohet as nivelit të një zvarritësi.

33. Një njeri i rritur merr frymë afërsisht 25 000 herë në ditë. Kurse rreth 27% e ushqimit në vendet e zhvilluara përfundon në koshat e plehrave.

34. Është vërtetuar që mundësia për të rënë rrufeja është 1 në 600,000. Kur ndodh të gjithë njerëzit nuk duhet të kenë gjëra të hekurta në duar.

35. Mjalti mund të qëndrojë pa u prishur 3000 vjet dhe për këtë arsye dylli i mjaltit përdoret për procesin e mumjazimit.

36. Video-lojërat i bëjnë fëmijët e trashë dhe agresivë, ndërkohë që përdorimi i tepër i kompjuterit orar pa orar u dëmton atyre qetësinë nervore.

37. Shtëpiaket tradhtojnë burrat virtualisht. Ato janë të kënaqura me aktivitetin e tyre fizik dhe kërkojnë nga “miku” i internetit kënaqësi shpirtërore.

38. Rekordin e martesave e ka thyer një 85-vjeçar, i cili është martuar plot 130 herë. Ngjarja e pazakontë ka ndodhur në Kenia, ku Ancentus Akuku ka deklaruar se i është dashur shumë mund dhe diktaturë për të pasur familje të lumtur.

39. Një amerikan kaloi një javë në burg për arsye se tre fëmijët e tij të vegjël ishin djegur nga dielli gjatë pushimeve në plazh.

40. Ndërtimi i Shtëpisë së Bardhë në Amerikë filloi në vitin 1792. Në vitin 1800 presidenti dhe zonja John Adams ishin familja e parë që jetuan aty.

41. Lotët është zbuluar se kanë efekt që të zhdukin bakteriet dhe të mbrojnë sytë nga infeksionet.

42. Në gjuhën e njeriut gjenden 100 lloje damarësh për të shijuar. Në sy gjenden 130 milionë qeliza shikimi.

43. Krokodili është e vetmja kafshë që vazhdon e zgjatet deri në ditën e fundit të ekzistencës, centimetrat e saj ndryshojnë nga muaji në muaj.

44. Titaniku është anija që konsiderohet si anija e parë gjigante në botë. Kapaciteti ka qenë 46000 tonë, me gjatësi 268 m dhe lartësi 53 m. Mund të udhëtonin 1343 udhëtarë.

45. Kënga më e gjatë në botën e muzikës mbahet himni sovjetik, i përbërë nga 65 strofa. Në maj të vitit 1987, një moderator kanadez mendoi ta shtonte himnin, i cili brenda pak javësh rekordi arriti në 689 strofa.

46. Nga një operacion në tëmth që iu bë një pacienti në Londër, kirurgët hoqën afro 230530 gurë të vegjël nga tëmthi i tij me madhësi 1,5 deri 15 milimetra.

47. Truri më i vjetër në botë është gjetur nga arkeologët në Torfmoor në Florida. Është gjendur truri i një 45-vjeçareje e cila kishte jetuar afërsisht 8000 vjet më parë.

48. Poezia më e gjatë në botë u përfundua mbas 30 vitesh punë nga shkrimtari Jose´ Rumanzo nga Ecuador. “Perusia” përbëhet nga 7 volume, me 5000 faqe gjithsej dhe nga 230 000 rreshta.

49. Syri i një struci është më madh se truri i tij, ndërkohë që në trurin e maceve ka më shumë se 32 muskuj.

50. Është vërtetuar që një ari i rritur mund të vrapojë po aq shpejt sa një kalë. Kurse breshka mund të ecë me 10 km në orë

Lifestyle

Njohja e llojit të lëkurës suaj, ja si ta zbuloni

Published

on

By

Njohja e llojit të lëkurës suaj është baza e kujdesit të rregullt të lëkurës, në mënyrë që të mund të zgjidhni produkte sipas nevojave të lëkurës. Për të njohur llojin tuaj të lëkurës, jini të vetëdijshëm për pamjen dhe ndjesinë e saj. Për të përcaktuar llojin e lëkurës, fshijeni fytyrën me një pecetë sapo të zgjoheni, përpara se të pastroni fytyrën. Nëse indi është i pastër, ju keni një lloj lëkure normale në të thatë. Nëse indet njollosen me yndyrë, ju keni lëkurë normale deri të yndyrshme. Lëkurat e kombinuara kanë një zonë të yndyrshme, (zakonisht ballin, hundën dhe mjekrën, që përbëjnë zonën T), ndërsa faqet janë të thata. Përdorni peceta të ndryshme për zona të ndryshme, duke fshirë ballin, hundën dhe mjekrën me një pecetë dhe duke përdorur një tjetër për të fshirë faqet. Llojet e lëkurës ndahen në katër kategori kryesore – normale, e thatë, e yndyrshme dhe e kombinuar.

Nëse keni lëkurë të thatë, shmangni sapunin dhe përdorni pastrues rehidratues që përmbajnë hidratues natyral, si aloe vera dhe tonifikim me ujë trëndafili. Rutina e përditshme duhet të përfshijë ushqimin e lëkurës gjatë natës, masazhimin e lëkurës me krem ​​ushqyes si dhe fshirjen me pambuk të lagur. Sigurohuni që lëkura të mos ketë kurrë mungesë lagështie. Përdorni kremrat kundër diellit gjatë ditës dhe përdorni krem ​​hidratues nën make-up.

Lëkurat e yndyrshme kanë një pamje të yndyrshme me pore të mëdha të hapura. Rutinat e specializuara të pastrimit janë shumë të nevojshme në mënyrë që poret të mbeten të pambyllura dhe të parandalohen pikat e zeza dhe puçrrat. Përdorni një larës fytyre për lëkurë të yndyrshme, që përmban përbërës si neem dhe borzilok. Për lëkurën e prirë ndaj akneve, përdorni një pastrues medicinal. Përdorni një tonik lëkure me bazë trëndafili.

Lëkurat e kombinuara kanë një zonë të yndyrshme, ndërsa pjesa tjetër e lëkurës është e thatë ose normale. Nevojitet trajtim i veçantë për zona të veçanta. Pra, kushtojini vëmendje pastrimit dhe përdorni ujë trëndafili për të tonifikuar dhe rifreskuar lëkurën. Rutina e përditshme e pastrimit për lëkurën e yndyrshme dhe atë të kombinuar duhet të përfshijë një pastrim fytyre.

Një dietë e shëndetshme dhe një mënyrë jetese janë gjithashtu të rëndësishme për lëkurën e ekuilibruar. Një sistem i mbingarkuar reflektohet në lëkurë. Mbajeni sistemin të pastër duke përfshirë fruta të freskëta, sallata të papërpunuara, lakër, drithëra dhe kos në dietën tuaj të përditshme.

Pini gjashtë deri në tetë gota ujë në ditë. Shtoni lëngun e një limoni në një gotë me ujë dhe pini në mëngjes. Pra, nëse dëshironi që historia juaj e lëkurës të ketë një fund të lumtur, mbani mend këto fakte të lëkurës dhe rregullat bazë, përcjell Klankosova.tv.

Continue Reading

Lifestyle

Trendi më i ri i manikyrit nga Hailey Bieber

Published

on

By

Thonjtë e qumështit apo të të ashtuquajturit ‘glazed donut nails’ janë ide e shkëlqyeshme për manikyr para se të shkoni me pushime në det!

Qëkur inauguroi linjën e saj të kujdesit Rhode, shumica kanë vërejtur që e gjithë dukja e saj, jo vetëm fytyra, është në harmoni me estetikën e “krofnës së glazuar’ të cilën e propagandon.

I fundit në një sërë trendësh që i ka prezantuar është edhe manikyri elegant, i cili po kthehet në modë tashmë i harruar paksa retro-trendi i shkëlqimit të sedeftë.

Manikyri Hailey Bieber çfarë e duan edhe disa yje të tjera siç është Sydney Sweeney, është neutral, andaj mund të bartet edhe çdo ditë, por edhe i rafinuar, andaj do të kombinohet në çdo dukje glamuroze, dhe është hit i vërtet në TikTok ku koncepti #haileybiebernails ka më se 100 milionë shikime.

Fjala është për në tonalitete të bardha qumështore ose rozë me një shkëlqim të lehtë të sedeftë.

@michellekhxn

@Hailey Bieber glazed donut nails are my new fave ✨🤩💅🏼 #haileybiebernails #easydiynails

♬ kiss me more – audios <3

Hailey shkon te profesionistët për thonjtë e saj dhe përdor OPI GelColor në nuancën Funny Bunny, zbuloi manikyrja e saj Zola dhe shton efektin metalik Tin Man pas shtresës së fundit.

Continue Reading

Lifestyle

Efekti i gjetheve të dafinës në lavatriçe

Published

on

By

Çdo amvisë ka një truk për larjen e rrobave dhe zakonisht përdorin disa përbërës shtëpiak. Një ndër ta është dhe dafina, e cila ndihmon shumë. Nuk bëhet fjalë pët t’u dhënë rrobave aromë të mirë. Efekti i kësaj gjetheje në veshje është disi i ndryshëm por po aq interesant.

Shumë njerëz nuk e kanë idenë se gjethet e dafinës mund të ruajnë ngjyrën e rrobave. Gjethet e dafinës mund t’i vendosni direkt në lavatriçe, por do të keni një efekt shumë më të mirë nëse i vendosni në një legen me ujë dhe më pas vendosni rrobat në të.

Në varësi të sasisë së rrobave, merrni disa gjethe dafine, vendosini në ujë. Lërini për disa orë. Mund t’i përzieni herë pas here me dorë për një efekt më të mirë. Më pas shtrydhini rrobat mirë rrobat dhe lajini si zakonisht në lavatriçe ose me dorë.

Continue Reading

Lifestyle

Destinacionet më të lira për pushimet verore

Published

on

By

Bullgaria dhe Turqia ka të ngjarë të jenë destinacionet më të lira pranë pushimeve verore, sipas Post Office Travel Money.

Raporti vjetor i kompanisë shqyrtoi 16 resorte të njohura dhe koston e 12 shpenzimeve të zakonshme të pushimeve, duke përfshirë një vakt familjar, pije, krem ​​kundër diellit, ilaçe kundër insekteve dhe artikuj plazhi, duke filluar nga kova dhe lopata deri te akullorja dhe shëtitje me pedalo.

Raporti, i prodhuar me kompaninë e udhëtimit Tui, vlerësoi një kosto prej 86 £ për ato shpenzime në Sunny Beach në Bullgari dhe Marmaris, Turqi. Megjithatë çmimet në të dy resortet janë rritur që përpara fillimit të pandemisë së koronavirusit – 11% në Marmaris dhe 8% në Sunny Beach – por rënia e lirës turke gjatë asaj kohe do të zvogëlojë ndikimin e kostove në Marmaris.

Vendpushimi më i lirë i Eurozonës ishte Algarve i Portugalisë, i cili erdhi me 108 £ për 12 artikujt, Funchal në Madeira ishte 125 £, Costa Del Sol ishte 127 £ dhe Korfuzi në Greqi ishte 133 £. Më e shtrenjta ishte Ibiza, me një kosto prej rreth 186 £ në barometër, e ndjekur nga Pulia, Itali me rreth 185 £.

Por çmimet në të dyja këto vende kanë rënë që nga viti 2019 – përkatësisht me 4.9% dhe 5.2%, shkruan Top Albania Radio.
Rritja më e madhe e çmimeve ishte në Kretë – një rritje prej 37.7% që do të thotë se shpenzimet e 12 pushimeve arrijnë në rreth 161 £. Çmimet janë rritur në tre të katërtat e 16 destinacioneve të mbuluara nga raporti, kryesisht për shkak të tarifave më të larta për vaktet dhe pijet, dhe rënies së vlerës së stërlinës (stërlina tregtohet me 1.17 euro, duke qenë 1.21 euro në prill). Rritja mesatare midis atyre që panë rritje ishte 13.3%. Nick Boden, kreu i Post Office Travel Money, tha:

Rënia e fundit e stërlinës kundrejt monedhave evropiane dhe pasiguria e vazhdueshme rreth asaj se si do të performojë në javët e ardhshme do të thotë se mbajtja e një kontrolli të ngushtë mbi shpenzimet e resortit do të jetë vendimtar për familjet këtë verë për të shmangur shkatërrimin. buxhetin e pushimeve. Ne gjetëm variacione të mëdha çmimesh në 16 destinacionet e anketuara, veçanërisht në 13 resorte të Eurozonës. Kjo e bën dyfish të rëndësishëm që pushuesit të bëjnë me kujdes detyrat e shtëpisë dhe buxhetin për të mbuluar shpenzimet në resortin e pushimeve që po vizitojnë. Ne zbuluam gjithashtu se çmimet mund të ndryshojnë në mënyrë dramatike midis vendpushimeve në të njëjtin vend. Në Greqi, për shembull, kostot e barometrit ishin 17% më të ulëta në Korfuz sesa në Kretë.

Continue Reading

Lifestyle

Trajtime bukurie me produkte shtëpie

Published

on

By

Kuzhina nuk kufizohet vetëm në gatimin e ushqimit. Ja kujtimi juaj se përbërësit e freskët nga frigoriferi – në fakt krijojnë përzierje për trajtimet e bukurisë që mund t’i bëni në shtëpi.

Skrab buzësh me sheqer

Përbërësit:

  • 1 lugë çaji sheqer organik i papërpunuar (ose në prekje)
  • 1 lugë gjelle vaj kokosi organik
  • 1 lugë gjelle mjaltë Manuka

Udhëzime:

  • Përzieni sheqerin, vajin dhe mjaltin së bashku në një tas të vogël.
  • Fërkojeni buzët me gisht në lëvizje rrethore
  • Shpëlajeni.
  • Mbajeni deri në dy javë!

Maskë kundër plakjes për fytyrën nga e bardha e vezës

Përbërësit:

  • 1 e bardhe veze
  • 2 lugë çaji lëng limoni
  • 1 lugë mjaltë

Udhëzime:

  • Rrahim vezën derisa të bëhet shkumë.
  • Shtoni lëngun e limonit dhe mjaltin dhe përziejini së bashku.
  • Lajeni fytyrën me ujë të ngrohtë.
  • Aplikoni maskën e bardhë veze në fytyrë me një furçë ose pambuk.
  • Lëreni maskën për 15 minuta.
  • Shpëlajeni me ujë të ngrohtë.

Maskë ushqyese për flokët me avokado

Përbërësit:

  • 1 avokado e pjekur
  • 2-3 lugë vaj kokosi
  • 2 lugë mjaltë
  • 2-3 pika vaj esencial (preferojmë livandën)

Udhëzime:

  • Përziejini të gjithë përbërësit tuaj.
  • Aplikojeni maskën e flokëve në të gjithë flokët, duke u siguruar që ajo të jetë e lyer plotësisht.
  • Lëreni maskën të qëndrojë në flokët tuaj për 30 minuta derisa të thahet.
  • Shpëlajeni me ujë të ngrohtë.

Maskë ftohëse për sytë me kastravec

Përbërësit:

  • 1 kastravec i ftohtë

Udhëzime:

  • Pritini dy feta kastraveci rreth 1/4 inç të trasha.
  • Vendoseni mbi qepallat dhe relaksohuni dhe derisa ato të ngrohen.
  • *Këshillë: Vendosini këto mbi qepallat ndërsa keni maskë për fytyrën.

Maskë fytyre anti-inflamatore me shafran të Indisë dhe tërshërë

Përbërësit:

  • 1/2 filxhan tërshërë
  • 2 lugë çaji shafran i Indisë
  • 2 lugë vaj kokosi
  • 1/2 filxhan ujë të filtruar

Udhëzime:

  • Përzieni tërshërën dhe shafranin e Indisë në një përpunues ushqimi.
  • Shtoni vajin dhe ujin në procesor ngadalë.
  • Lajeni fytyrën me ujë të ngrohtë.
  • Aplikojeni maskën në fytyrë dhe lëreni të qëndrojë për 15 minuta.
  • Shpëlajeni.
Continue Reading
Advertisement
Advertisement

TRENDING