52-vjeçar humbi jetën në punë, deputeti i PD: Demokrat i paepur

Mëngjesin e të enjtes, në lagjen numër 15 të Durrësit, një 52-vjeçar humbi jetën si pasojë e një aksidenti në punë.

Arben Kurmeka u zu poshtë nga pllakat e mermerit të cilat ndodheshin në kamionin me të cilin ai po punonte.

Në lidhje me ndarjen nga jeta të 52-vjeçarit, ka reaguar përmes një postimi në “FB” dhe deputeti i Partisë Demokratike Oerd Bylykbashi.

Teksa ka ndarë një foto në krah të viktimës, Bylykbashi shkruan se largimi parakohe i mikut të tij ka lënë një trishtim të madh.

“Ben, ike e na le trishtim të madh. Mik i mirë, demokrat i paepur, nuk do të harrohet buzëqeshja jote, angazhimi me zemër e pa u kursyer. I paharruar kujtimi e kontributi yt Arben Kurmeka! U prehsh në paqe!”, shkruan Bylykbashi.

Arben Kurmeka ishte një ndër aktivistët e parë të Partisë Demokratike në qarkun e Durrësit.