Connect with us

Sport

Argjentina mposht Holandën dhe gjen Kroacinë në gjysmëfinale

FT/ Holandë 2 – 2 Argjentinë (Weghorst 83′, 90+11′ / Molina 35′, Messi 73′) (3-4 pas penalltive)

Argjentina fiton me Holandën pas 120 minutave lojë dhe penalltive dhe kalon në gjysmëfinalet e Kupës së Botës. Pas lojës së rregullt ndeshja u mbyll 2-2, me skuadrat që në shtesën prej 30 minutash nuk gjetën më gola. Fati i duelit u vendos nga “ruleta ruse”, me djemtë e Scalonit që u treguan më të saktë nga pika e bardhë e penalltive (3-4). Tanimë Argjentina gjen në gjysmëfinale Kroacinë, me ballkanasit që kaluan po pas penalltive Brazilin.

Ndeshja në “Lusail Stadium” nisi mirë për Argjentinën, me Molinën që i shënoi Holandës në minutën e 35 pas asistit të Messit. Pjea e parë u mbyll në avantazhin e Albicelestes, teksa në të dytën Messi gjeti golin e dytë në minutën e 73 nga penalltia.

Kur të gjithë prisnin fitoren e Argjentinës, Holanda u zgjua me Weghorst. Sulmuesi shënoi dopietë në minutat 83 dhe 90+11. Dramatik fundi i ndeshjes për Holandën që shënoi pas një skeme perfekte. Me kohën e rregullt që u mbyll 2-2 dhe me sherr, ndeshja shkoi në 30 minuta shtesë. Asnjë nga skuadrat nuk gjeti rrjetën teksa nga pika e penalltisë më të saktë u treguan argjentinasit.

Van Dijk dhe Berghuis gabuan te Holanda, teksa Fernandez te Argjentina. Tanimë Albiceleste luan me Kroacinë në gjysmëfinale.

Rezultatet e penalltive:

VIDEO:

 

VIDEO/ Dramë për Argjentinën në minutën e 101, Holanda barazon me një skemë perfekte! Ndeshja shkon në shtesë

90+11′ Holandë 2-2 Argjentinë. Weghorst shënon dopietë për Holandën dhe e dërgon ndeshjen në shtesë. Dramatike ndeshja në aksionin e fundit. Skemë perfekte e Tulipanëve që kanë një shans në 30 minuta shtesë. E pabesueshme për Argjentinën që kryesonte 0-2 dhe më pas barazohet.

VIDEO/ Dhunë në fundin e ndeshjes, van Dijk plas në tokë lojtarin e Argjentinës! Stafet nuk përmbahen

90′ / Holandë 1-2 Argjentinë. Plas sherri në fundin e ndeshjes. Një ndërhyrje e ashpër e Paredes bën që situata në fushë mos jetë e qetë, me lojtarët që janë përfshirë në një grindje masive, teksa në fushë janë futur edhe stafet respektive. Paredes dhe van Dijk marrin kartona të verdhë, me kapitenin e Holandës që nuk e mbajti veten duke hedhur në fushë kundërshtarin.

VIDEO/ 7 minuta nga fundi, Holanda shënon dhe rihap ndeshjen kundër Argjentinës

83′ / Holandë 1-2 Argjentinë. Në minutën e 83 të takimit, Weghorst rihap ndeshjen duke shënuar për Holandën. Asisti i Berghuis shfrytëzohet bukur nga Weghors që mposht me kokë Martinez.

VIDEO/ I ftohtë akull, Lionel Messi korrigjon shënjestrën dhe shënon nga 11 metra! Dyfishon Argjentina

73′ / Holandë 0-2 Argjentinë. Lionel Messi shënon golin e dytë për Argjentinën në minutën e 73. “Pleshti” gjeti golin nga penalltia duke mos gabuar dy herë nga 11 metra në këtë Kupë Bote. 10 gola për Messin në Kupat e Botës.

VIDEO/ Asist fenomenal nga Messi, Argjentina ndëshkon Holandën

35′ / Holandë 0-1 Argjentinë. Nahuel Molina kalon në epërsi Argjentinën pas 35 minutave lojë. Asisti brilant i Messit bën që anësori i Albicelestes mos gabojë përballë Noppert, çka sjell golin e parë të duelit.

Related Topics:
Advertisement