“Do dëgjojmë çudira”, gazetari: Kë po mbështet i shumëkërkuari Suel Çela

Gazetari Poli Hoxha thotë se gjatë këtyre zgjedhjeve do dëgjojmë çudira në Elbasan, Tiranë dhe Shkodër. Ai tha se do zbulohen emra shumë të rëndësishëm të politikës të cilët kanë lidhje me eksponentë të krimit të organizuar.

Hoxha tha se grupet kriminale janë të mërzitura nga qeveria pasi kohët e fundit ajo nuk ka shumë në dorë për kërkesat e tyre, e ndaj sipas tij ata po fillojnë të mbështesin kundërshtarët e qeverisë.

Në këtë kuptim Partia Socialiste që është vet shteti, i ka mërzitur dhe ka prishur balancat. Për shembull, Suel Çela nuk e mbështet më Partinë Socialiste dhe ka indicie që mund të mbështesë palën tjetër, po sa pranohen kjo është çështje tjetër.

Unë uroj që SPAK të jetë duke përgjuar sepse do dëgjojmë çudira në Elbasan, në Durrës, në Tiranë dhe në Shkodër. Çudira që politikanë shumë të rëndësishëm janë në kontakte dhe në marrëdhënie me eksponentë të krimit të organizuar”,-tha Poli Hoxha.