Ambasadori Hill: Propozimi për normalizim, prej kohësh në tavolinë,

Ambasadori i SHBA-së në Beograd, Christopher Hill deklaroi se propozimi për normalizimin e marrëdhënieve “ka kohë që është në tryezë” dhe se Beogradi dhe Prishtina duhet të arrijnë një marrëveshje për normalizim sa më shpejt të jetë e mundur.

“Shumë gjëra po ndodhin në botë dhe unë mendoj se në aspektin e dialogut, marrëveshja duhet të jetë ashtu siç tha Miroslav Lajçak – sa më shpejt që të jetë e mundur. Ne e dimë se elementët e marrëveshjes kanë qenë në tryezë. Kanë të bëjnë me komunat e komunitetit serb, kanë të bëjnë me shtrirjen më të madhe të internizimit që po kërkon Kosova”, tha Hill

“Pra, gjithçka është mjaft e qartë. Këto elemente janë diskutuar për një kohë të gjatë, por ato u theksuan veçanërisht gjatë takimit të Ohrit. Është vërtet koha për të përshpejtuar dhe për të ecur përpara,” u tha Hill gazetarëve kur u pyet nëse SHBA dhe BE kishin vendosur afati përfundimtar për arritjen e një marrëveshjeje ndërmjet Beogradit dhe Prishtinës”

Hill nuk komentoi deklaratën e Presidentes së Komisionit Evropian, Ursula von der Leyen, e cila tha se Prishtina duhet të formojë Asociacionin dhe se Beogradi duhet të pranojë de facto pavarësinë e Kosovës.