Vlahovic dërgon në majë “Zonjën e Vjetër”, Juventus fiton me spektakël transfertën e Lecce

Ishte një rast që nuk duhej humbur. “Bardhezinjtë” e Juventus kanë arritur të fitojmë me rezultatin e thellë, 0 me 3, transfertën e “Via del Mare”, aty ku mposhtën, në kuadër të javës së 21-të të kampionatit italian, të futbollit, Serie A, për të bërë kështu një ndryshim goxha të madh, në renditjen e skuadrave.

Protagonist absolut mund të thuhet se ishte “bomberi” serb, Dusan Vlahovic, i cili me dy gola në minutat e 59’ e 68’ ndihmoi skuadrën e teknikut, Massimiliano Allegri, të shkojë drejt fitores së radhës, ndërsa për të “vulosur” rezultatin e madh mendoi qendërmbrojtësi brazilian, Bremer, i cili shënoi në minutën e 85’-të pas një asisti të Iling Junior.

Falë kësaj fitoreje, “Zonja e Vjetër” ngjitet në vendin e parë të kampionatit italian të futbollit, me skuadrën e Juventus, që shkon në kuotën e 52 pikëve, 1 më shumë se “Zikaltërit” e Inter, me këta të fundit, që kanë 1 ndeshje më shumë për të luajtur, për shkak të Superkupës së Italisë, ndërsa skuadra e Lecce mbetet në vendin e 14-të të tabelës, me 21 pikë.

SHIKONI GOLIN: 

Goli i Dusan Vlahovic, 0-1:

Goli i Dusan Vlahovic, 0-2:

Goli i Bremer, 0-3: