‘Diktatori Amerikan’/ Tronditet ‘New York Times’, fjalia e fundit ‘gozhdon’ votuesit

Pasi mposhti zëvendëspresidenten Kamala Harris, Donald Trump merr detyrën si lideri i parë i Amerikës që u akuzua për dhjetëra krime dhe u fajësua vetëm dy herë. Dhe ky nuk ishte ‘pushtim’ me dhunë i vendit, por me mbështetjen e votuesve. Sipas New York Times, Amerika është tani në prag të një regjimi autoritar, të ngjashëm me të cilin nuk janë parë në historinë e saj 248-vjeçare, teksa Donald Trump ua ka bërë të qartë amerikanëve se çfarë planifikon të bëjë.

“Gjatë fushatës ai na tregoi se do të përdorte forcën ushtarake kundër kundërshtarëve politikë, do të pushonte mijëra nëpunës civilë profesionistë, do të dëbonte miliona emigrantë përmes veprimeve ushtarake, do të nënshtronte Departamentin e Drejtësisë, do të përdorte qeverinë për të përhapur teoritë e konspiracionit të shëndetit publik dhe do të braktiste aleatët e Amerikës në mbarë botën. Ai planifikoi ta kthente qeverinë në një mjet për interesat e tij personale, për të ndëshkuar kritikët dhe për të shpërblyer me bollëk mbështetësit. Ai do të jetë një “diktator” – të paktën në ditën e pare” – keshtu shkruan prestigjozja New York Times .

Dhe kur Trump kërkoi fuqinë për ti zbatuar ne jete te gjitha keto, votuesit amerikane i thanë PO.

Ndryshe nga viti 2016, kur papritur fitoi zgjedhjet, por humbi shumicën e votave, tani Trump do të shkojë në Uashington me pretendimin për një mandat të gjerë. Gjatë katër viteve të tij jashtë pushtetit, ai rindërtoi Partinë Republikane sipas imazhit të tij.

Fitorja e Trump ishte një sfidë e drejtpërdrejtë për zyrtarët e lartë amerikanë të administrates dhe Pentagonit, te cilet kishinparalajmëruar publikisht se ai do ta shkatërronte dhe jo do ta shpëtonte kombin.

Por gjithçka ndodhi kishte dhënë sinjale që më herët. Pas pandemisë, për të cilën kritikët argumentuan se ishte keqmenaxhuar nga administrata, vendi u bë më skeptik ndaj qeverisë.

Besimi në media, shkencë, mjekësi, sistemin ligjor dhe institucionet e tjera bazë të jetës amerikane ra në mënyrë drastike, ndërsa gjithnjë e më shumë votues pranuan dyshimet që Trump kishte mbjellë prej vitesh. Opinioni publik amerikan jo pak here është kthyer në drejtimin e platforms së tij politike për çështje që kanë qenë qendrore ne jeten e tyre.

Nga ana tjetër, fushata e cunguar e Kamala Harris mbështeti kryesisht status quo-në e administratës Biden, duke ofruar vetëm thirrje për të ruajtur demokracinë, por pa zgjidhje konkrete për të rregulluar një sistem që shumë besojnë se është i prishur.

Në vend që Trump të braktiste pretendimet e rreme për vjedhjen e zgjedhjeve të vitit 2020, ai insistoi në to edhe më shumë. Në vend që të zbuste retorikën e ashpër për të cilën njihej, ai u bë edhe më i papërpunuar.

“Ajo që është e qartë, në fund të fundit, është se amerikanët e donin ndryshimin e madh, dhe Trump patjetër do tju a jap atë…” – shkruan jo pa nota ironie ‘New York Times në fund të artikullit.