Gabimet që bëni kur hani mëngjes, çfarë duhet të shmangni

Mëngjesi është vakti më i rëndësishëm i ditës. Ushqimet që hamë në mëngjes do të përcaktojnë mbarëvajtjen e gjithë ditës por kanë një ndikim afatgjatë në shëndet.
Për të marrë përfitimet maksimale të këtij vakti, duhet të shmangni gabimet e mëposhtme.
Mungesa e vëmendjes tek ushqimi
Mungesa e kohës dhe ritmi i shfrenuar i ditës mund t’ju lërë pak mundësi për të ngrënë mëngjes. Ngrënia në këmbë, shpejt e shpejtë ose nëpër shkallë mund të shuajë urinë përkohësisht. Nëse nuk e keni mendjen në sasinë dhe llojin e ushqimit do të hani pa kriter por do të rrisni rrezikun e mbipeshës dhe sëmundjeve të zemrës.
Mungesa e proteinës
Në shumicën e kohës, vakti i mëngjesit është i pasur me karbohidrate. Ky është një fillim i gabuar i ditës sepse mëngjesi i mirë duhet të jetë i pasur me proteina. Ekpertet këshillojn se proteina gjendet tek vezët, gjiza, djathi, tërshëra dhe kosi.
Mangësi në racion
Ngrënia e një vakti të pasur dhe të ekuilibruar në ushqyes është i rëndësishëm për gjithë ditën. Ekspertët thonë se është më mirë të hani racione të bollshme në mëngjes se në darkë. Studimet thonë se një vakt i bollshëm me proteina ndihmon në menaxhimin e diabetit të tipit 2.
Më pak yndyrë
Nëse keni vendosur të qëndroni larg yndyrnave, duhet të dini se kjo ju bën më shumë të shtoni në peshë. Jo të gjitha yndyrnat janë të këqija. Mëngjesi ideal duhet të jetë i balancuar me yndyrna të shëndetshme dhe proteinë. Ato i gjeni tek avokadi, farat chia, veza e plotë dhe gjalpi i kikirikut.
Mëngjesi i vonë
Nëse e shtyni mëngjesin më vonë pasi të keni bërë dush, veshur e dalë nga shtëpia, atëherë nuk jeni në rrugë të mbarë. Mëngjesi duhet ngrënë deri një orë pas zgjimit.
Kafja para bukës
Pirja e kafesë me stomak bosh rrit prodhimin e aciditetit në stomak. Njerëzit që kanë një stomak të ndjeshëm mund të vuajnë nga tretja problematike, urthi dhe problemet me zorrët. Prandaj rekomandohet që kafeja të pihet pas ngrënies.