Shfyrtëzonte 3 të mitur të kryenin vjedhje në zona të ndryshme të kryeqytetit, në pranga 39-vjeçari

Një 30-vjeçar është arrestuar nga policia e Tiranës ditën e sotme. Bëhet me dije se 30-vjeçari nxiste tre të mitur që të organizuar si grup, të kryenin vjedhje në zona të ndryshme të kryeqytetit. I ndaluari ishte i dënuar më parë për të njëjtin krim, për të cilin shtynte të miturit.

Gjithashtu janë sekuestruar edhe sende e vjedhura dhe sende që dyshohet se i shërbenin të arrestuarit, për të konsumuar lëndë narkotike. Ndërkohë materialet procedurale iu referuan Prokurorisë së Tiranës, për veprime të mëtejshme.

Njoftimi i Policisë:

Nxiste 3 të mitur që të organizuar si grup, të kryenin vjedhje në zona të ndryshme të kryeqytetit, kapet 39-vjeçari. I ndaluari, i dënuar më parë për të njëjtin krim, për të cilin shtynte të miturit. Sekuestrohen sende të vjedhura dhe sende që dyshohet se i shërbenin të arrestuarit, për të konsumuar lëndë narkotike.

Shërbimet e Komisariatit të Policisë Nr. 4, si rezultat i punës hetimore, për të nxjerrë përpara përgjegjësisë penale, shtetasit e implikuar në vjedhje, kapën në kuadër të operacionit “Nxitësi”, shtetasin e shpallur në kërkim, Xh. H., 39 vjeç.

Ai dyshohet se ka shtyrë në mënyrë të përsëritur, 3 shtetas të moshave 12 dhe 13 vjeç, për të kryer vjedhje të ndryshme, në disa zona të Tiranës. Vijojnë hetime për të dokumentuar plotësisht veprimtarinë kriminale të 39-vjeçarit, në fushën e vjedhjes së pronës dhe pasurisë. Materialet procedurale iu referuan Prokurorisë së Tiranës, për veprime të mëtejshme