Adela, spiunia ruse e Putinit infiltruar në NATO

Adela, një spiune ruse në Napoli, e infiltruar në komandën e NATO-s

Një hetim i kryer prej dhjetë muajsh nga gazeta Repubblica së bashku me faqen investigative Bellingcat, të përjavshmen gjermane Der Spiegel dhe The Insider ka rindërtuar misionin sekret të atij që cilësohet si “protagonisti i operacionit më të bujshëm të inteligjencës” i kryer nga Rusia në Itali.

Faqet online të autorëve të sondazhit e raportojnë sot se ajo është tridhjetë vjeçarja Maria Adela Kuhfeldt Rivera, e lindur në Peru nga një baba gjerman dhe e futur në rrethet shoqërore të Napolit për të mundur më pas të depërtojë në personelin e bazës së NATO-s dhe të Flotës së 6-të të SHBA-së.

Gjurma kryesore që e lidh atë me shërbimet sekrete të Moskës – shpjegon Repubblica – është pasaporta ruse e përdorur për të hyrë në Itali. Ajo i përket të njëjtës seri speciale të përdorur nga 007 e Gru, inteligjenca ushtarake nën urdhrat e Kremlinit.

Hetimi ynë – thotë gazeta italiane – nuk ka qenë në gjendje të rindërtojë se çfarë informacioni është marrë nga spiunia ruse, as nëse ka mundur të mbjellë viruse kompjuterike në telefonat dhe kompjuterët e miqve të saj. Megjithatë, ajo ra në kontakt me figurat kryesore të NATO-s dhe Marinës së SHBA. Deri tani asnjë agjent tjetër rus nuk kishte arritur të depërtonte kaq thellë në samitin e Aleancës Atlantike