Agron Shehaj përplaset me Maznikun: Me paratë që ke vjedhur fiton edhe një majmun, mos na shit mend

Ministri Arbjan Mazniku dhe deputeti i PD Agron Shehaj janë përfshirë në një debat të ashpër mes tyre në studion e emisionit Opinion.

Diskutimi mes tyre ishte fokusuar në fitoren e zgjedhjeve nga ana e Partisë Socialiste, për të cilat deputeti Shehaj akuzoi Maznikun dhe kryeministrin se fitojnë vetëm përmes parave të vjedhura dhe pushtetit.

“Një majmun ta marrësh t’i japësh paratë që ka përdorur Mazniku në zgjedhjet e fundit në 2021, fiton” u shpreh Shehaj.

Nga ana tjetër, Mazniku ju përgjigj akuzave të Shehajt duke thënë se këto deklarata bëhen nga humbësit që nuk pranojnë humbjen.

Zotëria në fjalë ka qenë në fushatë të 2021, shpenzuesi më i madh sipas faqes së Facebook, shpenzuesi më i madh i çdo kandidati individual si shpenzues. Nuk e di sa. Siç dhe ndodh, ishte dhe performuesi më i mirë te gara e PD. Tentativa për të anatemuar sistemin kur thjesht je humbës, është një nga ata që në Amerikë quhen humbësa që s’dinë të pranojnë humbjen.

Një majmun ta marrësh t’i japësh paratë që ka përdorur Mazniku në zgjedhjet e fundit në 2021, fiton. Edhe me pushtetin që ka. Kur flet Mazniku sa kam harxhuar unë në Facebook, unë mund të kem harxhuar 10 mijë euro, një gjë e tillë. Mazniku duhet të na thotë, PS ka një hiprokizi thotë që ka deklaruar 1.5 milionë.

E di kushdo që ju keni harxhuar dhjetra miliona euro dalë nga ju, përveç atyre që kanë dalë nga oligarkët tuaj. Ju vetëm për këtë duhet të ishit në burg.

E di kushdo, e di SPAK, e dinë ndërkombëtarët, e dinë gjithë shqiptarët. Dhe mos na shit mend ne këtu se nëse ke fituar, ke fituar me para, nuk ke asnjë aftësi, asnjë zotësi.

Thjesht ke vjedhur dhe me paratë që ke vjedhur ke blerë zgjedhjet edhe je aty ku je. Dhe keni 3 mandate që jeni aty dhe i keni kthyer zgjedhjet në nëj formalitet. Kështu që mos na shit shumë mend.