Ajo 64 vjeç, ai 26 vjeç, prindër së shpejti! Çifti rrëfejnë historinë në ekranin shqiptar

Cherly (63 vjeçe) dhe Quran (26 vjeç), çifti që ka tërhequr vëmendjen e shumë ndjekësve në TikTok për marrëdhënien e tyre unike dhe diferencën e madhe në moshë, ndanë një lajm të papritur në emision televiziv.

Ata treguan se, pas një kohe të gjatë përpjekjesh, kanë qenë të suksesshëm në gjetjen e një nëne mbartëse, por ky proces ka qenë i mbushur me sfida dhe zhgënjime.

Cherly dhe Quran shpjeguan se kanë patur katër nëna surrogate të ndryshme, secila prej të cilave ndryshonte mendje ose nuk ishte e përshtatshme për të vazhduar procesin. Cherly ndau përvojën e tyre të vështirë, duke theksuar rastin e një gruaje që pranoi të ishte mbartëse, por më vonë u zbulua se ajo kishte përdorur drogë deri në muajin e katërt të shtatzënisë.

“Ne e zbuluam pasi ngeli shtatzënë, nuk kishte përputhje të informacionit me të dhënat që neve na kishte thënë. Më vonë kuptuam që diçka nuk shkonte. Ne kërkonim që fëmija të ishte i shëndetshëm,” u shpreh Cherly.

Gjatë intervistës, Bieta Sulo pyeti për përvojën me tre shtatzënitë e para që nuk patën sukses. Quran shpjegoi se ato raste nuk përfunduan me shtatzëni, por nëna e katërt, e cila fillimisht i dha atyre shpresë, tani po përballet me një betejë ligjore. “Ajo dëshiron ta mbajë fëmijën, i cili është i imi. Kjo është beteja jonë ligjore tani,” tha Quran, duke treguar se kjo grua kishte qenë më parë shtatzënë me një djalë që e kishte abortuar, por tani që është vajzë, ajo dëshiron ta mbajë dhe nuk pranon ta dorëzojë tek çifti.

Çifti dhe sfidat e tyre drejt prindërimit

Pavarësisht sfidave, Cherly dhe Quran nuk kanë humbur shpresat dhe janë të vendosur të vazhdojnë përpjekjet e tyre për t’u bërë prindër. Çifti ka shprehur dëshirën për të krijuar një familje dhe për të rritur fëmijën e tyre në një mjedis të dashur dhe të kujdesshëm. Ata shpresojnë që kjo betejë ligjore të përfundojë me sukses dhe të realizojnë ëndrrën e tyre për t’u bërë prindër së bashku.