Aksident i rëndë në Fier, pasagjeri humb jetën, gjendet jashtë makine

Një aksident me vdekje është shënuar sot në Bypass-in e Fierit, ne vendin e quajtur ‘Kryqëzimi i Pojanit’.

Burime bëjnë me dije se një makinë tip ‘BMV’ ka humbur kontrollin dhe ka dalë nga rruga.

Për pasojë ka mbetur i plagosur shoferi i cili është dërguar drejt Spitalit të Traumës në Tiranë.

Ndërkohë disa metra larg vendit të aksidentit është gjetur dhe një viktimë që dyshohet të ketë qenë pasagjer.

Sipas hetimeve paraprake dyshohet se shkak i aksidentit ka qenë shpejtësia, përghumja e shoferit dhe lagështia në rrugë.

Policia ndodhet në vendngjarje për zbardhjen e plotë të aksidentit.