Aksident në superstradën Lezhë-Laç, lëndohet 68-vjeçari

Një 68-vjeçar i cili po udhëtonte me një motoçikletë ka mbetur i plagosur, pasi u përplas nga një automjet. Aksidenti ka ndodhur në superstradën Lezhë-Laç, në afërsi të kryqëzimit të Treshit.

I plagosur mbeti shtetasi Ndrec Lleshi dhe është dërguar në spitalin rajonal të Lezhës, nga ku mësohet se ndodhet nen kujdesin e bluzave të bardha jashtë rrezikut për jetën.