Aksident te mbikalimi/ Digjen makina e banesa (VIDEO)

Një zjarr i madh ka përfshirë një linjë treni dhe shtëpi në Aguascalientes, Meksika qendrore, pas një aksidenti me kamion me karburant. Videoja dramatike e zjarrit u bë virale në mediat sociale, duke përfshirë pamjet e tymit të zi që mbulon një zonë të madhe të qytetit. Një video tregoi një tren mallrash që vërshonte mes flakëve.

Faqja e internetit El Universal e Meksikës thotë se më shumë se 1500 njerëz u evakuuan. Disa shtëpi dhe makina janë djegur nga zjarri.

Nuk ka raportime për të vdekur, por disa persona janë dërguar në spital. Një postim në Facebook i kryebashkiakut Leo Montañez flet për 300 shtëpi në zonën e përplasjes, 120 prej të cilave janë dëmtuar.

Nuk dihet saktësisht se si ndodhi përplasja. Raportet fillestare thanë se kamioni u përplas me një tren, por Reuters thotë se kamioni goditi një mbikalim. Firma shtetërore e naftës Pemex ka mohuar të ketë në pronësi kamionin dhe thotë se po ndihmon përpjekjet për të kontrolluar zjarrin.

Rreth 200 zjarrfikës po përpiqen të frenojnë flakët