Aksident tragjik në Kosovë, ka viktima dhe të plagosur

KOSOVË- Një aksident tragjik ka ndodhur mëngjesin e sotëm në Kosovë, konkretisht në rrugën Arllat Malishevë. Sipas njoftimit nga policia dy automjete janë përplasur me njëri-tjetrin. Si pasojë e përplases, ka humbur jetën një person dhe 5 të tjerë janë plagosur dhe dërguar në spitalin rajonal për trajtim mjekësor.

Siç shihet edhe në foto njëra nga makinat është shkatërruar plotësisht ndërsa tjetra në pjesën përballë.

aksidenti

“Rreth orës 07:00 kemi pranuar informatën se në rrugën Arllat – Malishevë, ka ndodhur një aksident trafiku me pasoja fatale. Në këtë aksident kanë qenë të përfshira, dy automjete, të cilat kanë qenë në lëvizje. Si pasojë e aksidentit lëndime trupore kanë pësuar gjashtë  persona, një prej tyre nuk kanë arritë të përballojnë plagët dhe i njëjti ka ndërruar jetë. Vdekjen e tij e ka konstatuar ekipi mjekësor në vendngjarje, ndërkohë që personat e lënduar janë dërguar për trajtim mjekësor. Me rastin po merret hetuesia nga njësiti i trafikut rrugor”, ka deklaruar Flora Ahmeti, zëdhënësja e Policisë së Kosovës.

Ndërkohë po punohet për zbardhjen e plotë të rrethanave të ngjarjes.