Aksident tragjik në Mal të Zi, humbin jetën tre të mitur

Një aksident tragjik ka ndodhur në Mal të Zi ku një makinë ka përfunduar në lumë, duke shkaktuar vdekjen e tre të miturve.

Tre 16 vjeçarët, kanë ndërruar jetë në vend. Ndërsa një tjetër moshatar i tyre po merr trajtimin mjekësor në spital ku mësohet se ndodhet në gjendje të rëndë për jetën.

Sipas mediave malazeze, automjeti me të cilin udhëtonin të rinjtë ka përfunduar në lumë teksa qarkullonte në rrugën kryesore Rozhaje-Baq.