Akullnajat më të vjetra në Tokë fshihen në…

Gjurmët e akullnajave më të vjetra të Tokës fshihen nën depozitat më të mëdha të arit në Afrikën e Jugut.Mediat e huaja shkruajnë se akullnajat 2.9 miliardë vjet të vjetra, janë zbuluar nga dy studiues nga Universiteti i Afrikës së Jugut në Johannesburg dhe Universiteti Amerikan i Oregonit, të cilët paraqitën rezultatet e tyre në Konferenca e Gjeokimisë Goldschmidt, e planifikuar në Francë, pasi e kishte botuar në revistën Geochemical Perspectives Letters.Zbulimi nënkupton dy shpjegime të mundshme, ose kontinenti afrikan, në atë kohë, ishte më afër Polit të Jugut, ose Toka po kalonte një periudhë të panjohur deri më tani, e karakterizuar nga një klimë jashtëzakonisht e ftohtë.“Ne gjetëm depozita akullnajore jashtëzakonisht të ruajtura pranë fushave të arit të Afrikës së Jugut,” thotë Ilya Bindeman nga Universiteti i Oregonit, një nga dy autorët e studimit.

“Kjo është një nga zonat e pakta të botës që ka mbetur mjaft e paprekur dhe e pandryshuar që nga epokat e lashta. Këto janë morenat akullnajore të fosilizuara, d.m.th mbeturinat e lëna nga një akullnajë ndërsa shkrihet dhe tërhiqet. Ato janë depozitat më të vjetra të morenave të gjetura ndonjëherë”, shprehen studiuesit.Bindeman dhe Axel Hofmann, nga Universiteti i Johanesburgut, në fakt konfirmuan zbulimin e tyre edhe përmes analizës së izotopeve të oksigjenit të pranishëm në shkëmbinj.Mediat e huaja shkruajnë se analiza e izotopeve tregoi se shkëmbinjtë u formuan gjatë temperaturave akullnajore.“Nëse kësaj dëshmie i shtojmë gjurmët e morenave të fosilizuara akullnajore, i vetmi shpjegim i mundshëm janë akullnajat, më të vjetrat e gjetura ndonjëherë në Tokë“.