Udhëheqësi australian foli me kryeministrin britanik Keir Starmer të shtunën, i cili i është bashkuar Francës në përpjekjen për të mbledhur një “koalicion të të gatshmëve” për të mbrojtur çdo armëpushim në luftën Rusi-Ukrainë.
“Të dy vendet tona janë shumë të qartë për mbështetjen tonë për Ukrainën dhe sigurisht që është shumë herët, nuk mund të kesh forca paqeruajtëse pa pasur paqe.
Unë sigurisht e kam thënë shumë qartë, publikisht, në mënyrë të përsëritur, se ne do të konsideronim pjesëmarrjen në çdo mision paqeruajtës në Ukrainë.” tha Albanese në një konferencë shtypi.
Australia do të dërgojë një përfaqësues të lartë në një takim të shefave të mbrojtjes në Paris të martën për të diskutuar mbështetjen e ardhshme për Ukrainën.
Vendet evropiane kanë nxituar të rrisin mbështetjen për Ukrainën, ndërsa presidenti i SHBA-së, Donald Trump po ndjek bisedimet e drejtpërdrejta me liderin rus Vladimir Putin për t’i dhënë fund pushtimit tre-vjeçar të Ukrainës nga Moska.
Disa shtete evropiane kanë thënë se do të ishin të gatshëm të dërgonin trupa paqeruajtëse në Ukrainë si një “garanci sigurie”.
