Albin Kurti i sëmurë rëndë/ Haradinajt: Vuan për pushtet, shkarkimi i Qeverisë, zgjidhja e vetme

Kreu i Aleancës për Ardhmërinë e Kosovës, Ramush Haradinaj, ka reaguar pas arrestimeve lidhur me aferën në Rezervat e Shtetit. Ai e ka quajtur kryeministrin Albin Kurti të sëmurë për pushtet, dhe ka kerkuar shkarkimin e tij me mocion mosbesi

“Degradimi i qeverisë ka arritur në përmasa gjigande, si në planin e brendshëm ashtu edhe në atë të jashtëm.  Përderisa kaq shumë zyrtarë qeveritarë dhe persona të afërt me qeverinë e partinë në pushtet, janë të përfshirë në skandale nga më të ndryshmet, të padëgjuara më parë në Kosovë, atëherë akuzat drejtohen vetëm në një adresë. Koka dhe udhëheqësi i tyre, është pikërisht ai që i ka angazhuar dhe i ka veshur me pushtet e përgjegjësi, Albin Kurti” – deklaroi Haradinaj teksa dhe shtoi”

“Duke pasur parasysh se kemi të bëjmë me një njeri të sëmurë për pushtet, të papërgjegjshëm dhe të pandërgjegjshëm, e që nuk dorëhiqet, obligohet mobilizimi i të gjithë atyre që e duan Atdheun dhe që përfaqësojnë interesat e vendit dhe qytetarëve, pa dallime partiake.”

Haradinaj tha se thirrja e seancës së jashtëzakonshme për shkarkimin e qeverisë përmes mocionit të mosbesimit është zgjidhja e vetme “për të shpëtuar vendin dhe për t’i hapur rrugë qeverisë së unitetit kombëtar dhe zgjedhjeve të reja”.