Albin Kurti nuk mund të legjitimojë Pashiçin Edi Rama në Kosovë/ Flet diplomati…

Diplomati Agim Nesho shkruan se kryeministri Albin Kurti është një politikan që është admiruar për karakterin e tij të fortë dhe qëndresën për cështjen kombëtare. Ai ka meritën e madhe që i rezistoi presionit për të pranuar projektin e Ballkanit të Hapur, projekt që do të sillte dominimin serb në Ballkan, duke anashkaluar Kosovën dhe rrezikuar një realitet të ndryshëm gjeopolitik në Ballkanin Perëndimor, jashtë perspektivës Europiane dhe nxitjen e influencave të fuqive autokrate për rritjen e zonave të tyre të influencës.

“Ajo që i ka munguar qeverisë dhe shtetit në Kosovë është se ajo i ka përballuar këto sfida e vetme, edhe kur regjimi i Edi Ramës në Tiranë kishte zgjedhur si partner Vucicin e Beogradit për të qenë aktorët e preferuar të zgjidhjeve pragmatiste në Ballkan dhe realizuar pushtetin e tyre autokratik. Kurti nuk ka gabuar kur e ka mbajtur larg Ramën, por jo Shqipërinë. Jo se ai është një figurë kontraversiale, protagonist, por sepse Rama ka mbajtur pozicione të qarta anti-kombëtare, si në përkrahje të skenareve ruso-serbe të ndryshimit të kufijve, të Ballkanit të Hapur, të presioneve ndaj Kosovës për të pranuar cdo kërkesë që aktorë të komunitetit ndërkombëtar shprehnin në favor të ledhatimit të regjimit nacionalist të Beogradit, që dhe ai “të merrte dicka”” – ka theksuar Nesho, sipas te cilit “Kurti dhe Osmani kanë pasur të drejtë kur kanë parë se regjimi i Tiranës ju ka mbyllur derën për kërkesat legjitime të Kosovës për dënimin e genocidit serb në Kosovë, kur Rama njohu Veriun e Kosovës si “tokë e askujt”; të mos pranimit të sulmit terrorist në Banjskë si një sulm i sponsorizuar nga Beogradi, e deri në vendosjen e sanksioneve i pari ndaj Kosovës dhe vetë-propozimit të draftit të Asosiacionit të komunave serbe”

“Kurti dhe partitë e tjera opozitare duhet të kuptojnë që Kosova do të marrë frymë vetëm atëherë kur të shkatërrohet lidhja Rama-Vucic dhe projekti i tyre për Ballkanin që i mban në pushtet. Ai nuk mund të legjitimojë Ramën, jo si diktatori i ri i Shqipërisë por si një Pashic i ri që me të drejtë gazetari i mirënjohur gjerman, Martens, e ka quajtur “Rama – kryeministri më i mirë i Serbisë”” – ka potencuar diplomati I njohur.