Amerika “ultimatum” Vuçiçit/ Zyrtarja e lartë: Kujdes me Kosovën

Në njoftimin e Departamentit amerikan të Shtetit u tha se ata biseduan për “çështjet globale” dhe për përparimin e Serbisë drejt integrimit në Bashkim Evropian, përfshirë përmes Planit të Rritjes për Ballkanin Perëndimor.

“Allen nënvizoi rëndësinë e përparimit të vazhdueshëm drejt normalizimit të marrëveshjeve me Kosovën përmes dialogut të ndërmjetësuar nga BE-ja”, nënvizohet në njoftim.

Perënduimi vazhdon t`i kthehet thirrjeve për implementimin e marrëveshjes bazë të normnalizimit të marrëdhënieve dypalëshe, të arritur në 27 shkurt 2023 dhe Aneksit të zbatimit të saj, të vulosur 18 marsin e vitit të kaluar në Ohër. Edhe pse të pafirmosura, BE-ja i konsideron ujditë ligjërisht të detyrueshme, por palët nuk janë duke i zbatuar ato.

Në lidhje me planin 6 miliardë eurosh që iu referua Allen, BE-ja e ka bërë të qartë se për Kosovën dhe Serbinë, kushti për të përfituar nga kjo paketë është angazhimi konstruktiv në normalizimin e marrëdhënieve fqinjësore. Vucic nga ana e tij, i kërkoi Allenit që SHBA-ja ta rrisë angazhimin në rajonin e Ballkanit Perëndimor dhe ta përdorë, sic tha ai, ndikimin e saj për të ruajtur stabilitetin e rajonit dhe për të krijuar mundësitë e një bashkëpunimi të sinqertë dhe përparim konkret.