Çmenduria e radhës, 1 miliard euro në tavolinë për Mbappen

Al Hilal e ka shumë seriozisht me Kylian Mbappe. Klubi arab i ka propozuar PSG-së një ofertë prej 300 milionë eurosh për ta blerë francezin, teksa paga për Mbappe kap shifra të çmendura, të padëgjuara ndonjëherë edhe në Europë, në maksimumin e futbollit.Klubi arab i ofron Mbappesë një pagë fikse prej 200 milionë eurosh dhe të drejta të plota në marrëveshjet komerciale dhe në të drejtat e imazhit, që e çojnë pagën e tij për një vit në plot 700 milionë euro, një shifër, me të cilën klube si Real Madrid paguajnë të gjithë lojtarët brenda një sezoni.

Mbappe nuk ka kthyer përgjigje dhe duket shumë i dyzuar, pasi dëshiron të vazhdojë në Europë, por duket se Al Hilal nuk dorëzohet. Fabrizio Romano raporton se një delegacion nga Arabia do të udhëtojë së shpejti drejt Francës për të takuar Mbappenë dhe për t’i shpalosur planin e tyre.Ideja është që Mbappe të transferohet te Al Hilal për një vit dhe më pas francezi të kalojë te Real Madrid, si pjesë e klauzolave të kontratës. Më parë Mbappe kishte planifikuar që të luante edhe një vit me PSG-në dhe të transferohej falas në verën e ardhshme te “Los Blancos”.