Connect with us

Politike

Arian Galdini: Thirrje për të më vrarë dhe gjakosur, dyshime te Rithemelimi…

Kryetari i Lëvizjes së Re, Arian Galdini është kërcënuar me jetë nëpërmjet mesazheve të dhunshme të shpërndara nëpër rrjetet sociale.

I ftuar në emisionin “Studio Live”  Galdini i konsideroi thirrje të tilla si ‘minë me sahat’ për shoqërinë tonë dhe zbuloi se faqet nga të cilat ishin bërë kërcënimet, mbështesnin Rithemelimin.

Lajmi ne perditesim…

Në llogarinë e tij në “Facebook”, Galdini u ka bërë thirrje autoriteteve, Policisë dhe Prokurorisë, që të veprojnë pasi ai po kërcënohet publikisht.

“Ku është Policia dhe Prokuroria?

Shiheni çfarë thirrjes për linçim dhe dhunë kundër meje, përdor makineria e propagandës së paguar dhe inkurajuar politikisht kundër meje… Si lejohet kjo?

Policia dhe Prokuroria duhet te veprojnë”, shkruan ai

Lajmi ne perditesim…Reagimi i plote i Galdinit:

Ku është Ministri i Brendshëm?
Ku janë Komiteti i Helsinkit dhe Organizatat e të Drejtave të Njeriut?
Ku janë Politikanët, Partitë Politike dhe Kryetarët e Partive Politike?
Ku janë këta Liderët e Rinj të Partive të reja politike?
Ku janë akademikët, intelektualët?
Ku janë shokët e miqtë e mij?
Ku janë?
Si është e mundur që për herë të parë në historinë e këtyre viteve bëhen thirrje linçuese publikisht në rrjetet sociale nga “profile e njerëz me motivim e prapavijë politike”, për herë të parë bëhen thirrje që kushdo që e sheh në rrugë Arian Galdinin, ta vrasë, dhunojë, poshtërojë, gjakosë, etj, dhe asnjë zë solidariteti ndaj Arian Galdinit nuk u dëgjua e as lexua kurkund?
Si është e mundur që asnjë aktivist i të drejtave të njeriut, asnjë organizatë e të drejtave të njeriut, asnjë politikan, Kryetar Partie, asnjë Parti Politike, asnjë Inatitucion, nuk kanë bërë ende asnjë deklaratë minimalisht distancimi nga thirrjet terroriste për linçim, dhunim dhe vrasjen e Arian Galdinit?
Mos harroni, thirrje të tilla: Kush e sheh në rrugë Arian Galdinin ta vrasë, dhunojë, poshtërojë, linçojë, janë thirrje të ngjashme me ato që bënte ISIS në Raqqa, Talebanët në Afganistan, Milosheviçi e Serbët në Bosnje – Hercegovinë dhe në Kosovë, Hutu dhe Tuci në Ruanda, etj.
Mos harroni se thirrje të tilla janë “bomba terririste” që hidhen në publik e askush nuk ua mat e as u di rrezen e ndikimit.
Mund të jenë një flluskë sapuni, dashtë Zoti, por mund të jenë edhe prurëse fatkeqësish ta paparashikuara, mos o Zot.
Unë jam Arian Galdini dhe jam prind, qytetar dhe Kryetar Partie e jam çdo ditë në lëvizje herë vetëm, herë me njerëz e shpesh me djemtë e mij dhe me familjen time.
A e dini që thirrje të tilla publike për linçimin dhe vrasjen time mund të jenë lexuar e parë nga dhjetra mijëra militantë, por dhe nga dhjetra e mijëra njerëz të tjerë ku mund të përfshihen lunatikë, të sëmurë psiqikë, mitomanë, kandidatë për heronj me mëditje apo për heronj partie a dite, dhe askush nuk e parashikon dot çmund të ndodhë sot ose nesër????
Ku jeni o aktivistë të shoqërisë civile?
Pse heshtni?
Keni folur edhe për të drejtat e pleshtave tek kafshët në tregun e gjësë së gjallë të Roskovecit, por çuditërisht për mua heshtni.
Ku jeni o aktivistët e të drejtave të njeriut?
Keni folur edhe për të drejtat e qenve dhe sterilizimin e tyre, por çuditërisht për mua heshtni.
Ku je Lulzim Basha?
Ku je Sali Berisha?
Ku je Edi Rama?
Ku je Taulant Balla?
Ku je Erion Veliaj?
Ku jeni deputetë?
Pse heshtni?
Pse nuk flisni?
Ku jeni ju o miqtë e shokët e mij? Ku jeni?
Related Topics:
Advertisement