ARRIHET KOMPROMISI Kosovë-Serbi/ Kupchan tregon se për çfarë është biseduar e rënë dakord

Charles A. Kupchan profesor i marrëdhënieve ndërkombëtare në Universitetin Georgetown në Uashington dhe anëtar i lartë në Këshillin për Marrëdhëniet me Jashtë tha se persa i përket Ballkanit, presidenti I sapo zgjedhur amerikan Donald Trump duhet të vazhdojë përpjekjet e presidentit ne largim Joe Biden për ta çuar Serbinë dhe Kosovën drejt normalizimit te marredhenieve.

“Udhërrëfyesi i hartuar nga BE-ja dhe me të cilin Beogradi dhe Prishtina ranë dakord në parim është i mirë, por dialogu kohët e fundit ka ngecur – pjesërisht për shkak të zvarritjes qe po I ben kryeministri i Kosovës Albin Kurti. Duke supozuar se ai mund të jetë duke luajtur kartën nacionaliste përpara zgjedhjeve të 9 shkurtit, Kurti mund të jetë potencialisht më i gatshëm për të bërë kompromise të vështira nëse rizgjidhet. Nëse po, ai do të ketë nevojë për një partner të gatshëm në Beograd – të cilin ai nuk e ka për momentin” – theksoi Kupchan

Sipas tij, Institucionet politike jofunksionale të Bosnjë-Hercegovinës dhe nxitjet secesioniste të Republika Srpska janë gjithashtu një shqetësim i madh.

“Angazhimi i vazhdueshëm i SHBA-së dhe BE-së do të jetë i nevojshëm për të ruajtur stabilitetin dhe, siç mund të jetë e nevojshme, për të rishikuar institucionet e qeverisjes në vend. Në nivel global, pushteti po zhvendoset nga perëndimi në lindje dhe nga veriu në jug, duke nxitur tensione gjeopolitike ndërsa konkurrenca për pozitë, status dhe ndikim po intensifikohet. Megjithatë, një botë e globalizuar dhe e ndërvarur nuk mund të lejojë të rrëshqasë drejt rivalitetit. Perëndimi duhet të marrë drejtimin në promovimin e paqes dhe prosperitetit në mes të tranzicionit në një botë të qendrave të shumta të pushtetit dhe ideologjive konkurruese.  Demokracia liberale mund të mbizotërojë ndërsa historia përparon, por demokracitë perëndimore duhet së pari të rregullojnë shtëpitë e tyre nëse duan të ngurtësojnë procesin e tranzicionit në botën tjetër, më të përparuar dhe të sigurojnë se mund të tejkalojnë alternativat joliberale dhe autokratike që ofrohen aktualisht” – potencoi profesori i marrëdhënieve ndërkombëtare në Universitetin Georgetown në Uashington.