Asnjë minutë Kosovë e Pavarur/ Ish emisari amerikan paralajmëron më të keqen

Ish-emisari i Shteteve të Bashkuara në bisedimet për statusin e Kosovës, Frank Winser, tha se gjithmone Serbia ka qenë shumë e vendosur për ta bllokuar pavarësinë e Kosovës. Ka qenë e pamundur të kapërcehej ajo pengesë dhe Kundërshtimi i saj ndaj pavarësisë së Kosovës nuk është qetësuar për asnjë minutë gjatë këtyre viteve.

“Dhe, derisa Serbia ta pranojë faktin se Kosova është sovrane dhe e pavarur dhe është e gatshme të zhvillojë marrëdhënie të mira fqinjësore me të, unë nuk pres ndonjë zgjidhje mes tyre”- deklaroi Wisner, sipas te cilit “Institucionet evropiane janë përpjekur shumë për t’i ndihmuar dy palët që ta pranojnë njëra-tjetrën dhe nuk ia kanë dalë. Shtetet e Bashkuara nuk ia kanë dalë. Derisa Serbia të bindet se është në interesin e saj që ta lejojë Kosovën të jetë një vend plotësisht i pavarur, nuk do të ndodhë asgjë, statusi përfundimtar nuk do të arrihet”.

Duke permendur deklarata te ndryshme nga ndërmjetësuesit ndërkombëtarë se dy shoqëritë nuk janë ende gati për marrëveshje përfundimtare, ai tha se: Serbia, në veçanti, nuk është gati të pranojë se Kosova nuk është më pjesë e saj dhe ta pranojë pavarësinë e Kosoves. “Derisa të arrihet kjo, nuk shoh zgjidhje të statusit përfundimtar”- deklaroi Ish-emisari i Shteteve të Bashkuara në bisedimet për statusin e Kosovës

“Unë mendoj se Plani i Ahtisaarit ishte i mirë. Nuk ka asgjë të keqe. Problem nuk është plani, por mosgatishmëria e Serbisë për ta pranuar faktin se Kosova është e pavarur. Kosova nuk do të jetë e kënaqur me asgjë më pak se pavarësia”- theksoi diplomati i njohur. …………..