Atalanta fiton me dy gola në Bologna, Gjimshiti ndër më të mirët në fushë

Në “Renato Dall’Ara” Bologna u mposht 0-2 nga Atalanta. Për miqtë gjatë gjithë ndeshjes në qendër të mbrojtjes luajti Berat Gjimshiti i cili ishte ndër më të mirët në fushë, i vlerësuar me notën 7.6 nga “Flashscore”. Nikola Krstovic ishte autori i dopietës për bergamaskët.

Napoli hap fals në shtëpi, ndalet 2-2 nga Verona

Befasi në “Maradona”. Kampionët në fuqi të Serie A, Napoli, u ndal në barazimin 2-2 nga Verona. Miqtë shënuan dy herë në pjesën e parë me Frese dhe Orban (11 m) duke befasuar tifozët dhe futbollistët e Contes. Në fraksionin e dytë Napoli e mori veten dhe shënoi me McTominay e Di Lorenzo, teksa një gol iu anulua nga VAR për prekje të topit me dorë nga Hojlund. Hap fals për Napolin në shtëpi që sheh Interin t’i largohet në garën për titullin kampion.