Atentat ndaj ministrit të Mbrojtjes, sulmohet me armë zjarri në makinë

Ministri i Mbrojtjes në Liban është sulmuar me armë teksa ishte duke udhëtuar me makinë në një autokolonë pranë Bejrutit, shkruajnë mediat e huaja. 

Në një deklaratë të shkurtër, ministri i Mbrojtjes Maurice Sleem konfirmoi të shtënat, të cilat ndodhën në lagjen Hazmieh të Bejrutit, por nuk dha detaje të mëtejshme. Autoritetet kanë nisur një hetim për të zbuluar nëse ministri ishte në shënjestër.

Në një zhvillim të veçantë në periferinë e afërt të Ghobeiry, u mbajt një funeral të enjten për një anëtar të grupit militant Hezbollah të vrarë një ditë më parë kur kamioni i tij u përmbys në një rrugë malore në qytetin e krishterë Kahaleh