Autogoli i Trump/ Paralajmëron amerikanët se tarifat mund të shkaktojnë dhimbje

Presidenti amerikan ka pranuar se masa e tij për të vendosur tarifa ndaj disa prej partnerëve më të mëdhenj tregtarë të vendit mund të ketë efekte negative për qytetarët amerikanë.

“A do të ketë dhimbje? Po, ndoshta (dhe ndoshta jo!)”, shkroi Trump këtë mëngjes me shkronja të mëdha në platformën e tij “Truth Social”.

“Por ne do ta bëjmë Amerikën përsëri të madhe dhe e gjitha kjo do t’ia vlejë”, shtoi ai.

Në një postim të veçantë, Trump bëri thirrje sërish që Kanadaja të bëhet një shtet amerikan.

Ndërsa pretendonte se SHBA-të paguajnë “qindra miliarda dollarë për të subvencionuar Kanadanë”, Trump tha se “pa këtë subvencion masiv, Kanadaja pushon së ekzistuari si një vend i qëndrueshëm”.

“Prandaj, Kanadaja duhet të bëhet shteti ynë i dashur i 51-të”, shkroi ai në Truth Social, duke pretenduar se masa do të sillte “taksa shumë më të ulëta dhe mbrojtje shumë më të mirë ushtarake për popullin e Kanadasë.