Avancimi ukrainas në Kursk nuk ndalet, hidhet në erë një depo me naftë që rusët e përdornin për të furnizuar ushtrinë

Autoritetet ruse luftuan të martën për të shuar një zjarr masiv në rajonin jugor të Rostovit për të tretën ditë radhazi, pasi një depo nafte u godit nga dronët ukrainas, ndërsa forcat ukrainase shtyjnë më tej në rajonin Kursk të Rusisë.

Zjarri në depon në qytetin e Proletarsk u dogj në një sipërfaqe prej 10,000 metrash katrorë, sipas agjencive shtetërore ruse të lajmeve. Janë 500 zjarrfikës të përfshirë në operacion dhe 41 prej tyre tashmë janë shtruar në spital me lëndime, sipas agjencisë shtetërore ruse të lajmeve TASS, duke cituar zyrtarë lokalë.

Shtabi i Përgjithshëm i Ushtrisë së Ukrainës mori përgjegjësinë të dielën për sulmin në depon e naftës, e cila u përdor për të furnizuar nevojat e ushtrisë ruse, duke e quajtur atë një masë “për të minuar potencialin ushtarak dhe ekonomik të Federatës Ruse”.