Baba tipik shqiptar! Bebe Rexha zbulon reagmin e të atit kur pa videon e saj me marihuanë

Para disa ditëve Bebe Rexha solli një super bashkëpunim me Snoop Dogg.

Kënga titullohet “Satellite” dhe videoklipi i saj shfaq dy artistët duke u transportuar në hapësirën e jashtme pasi kanë tymosur disa gjethe marihuane.

“Të punosh me Snoop është një ëndërr”, tha Bebe Rexha në një intervistë për revistën “People”, duke shpjeguar se fillimisht ia dërgoi demon e këngës “Satellite” përmes Instagramit.

“Ai më mori në orën 7:00 të mëngjesit të nesërmen duke thënë: Kontrollo e-mailin tënd. Ti ke një e-mail”, tha 33-vjeçarja.

Ai kishte dërguar në e-mail pjesën e tij të këngës, gjë që e emocionoi tej mase këngëtaren shqiptare për këtë bashkëpunim. Kur erdhi koha për të xhiruar klipin, Snoop u shfaq në disa sekonda duke tymosur marihuanë bashkë me Bebe Rexhën.

“Ai më tha: ‘Duhet të provosh vetëm një tim’, dhe unë thashë: ‘Tani, në xhirimin e klipit? Unë do të dukem ‘e dehur’ në video. Ai tha, ‘Vetëm provoje’ dhe unë thashë, ‘Në rregull’. Unë e tymosa dhe u ndjeva aq lart”, kujtoi artistja shqiptare.

Madje ajo publikoi dhe një video duke konsumuar marihuanë me Snoop Dogg javën e kaluar në Instagram duke paralajmëruar. Dhe gjejeni pak reagimin e të atit.

“Babai im më mori në telefon dhe më tha: ‘Çfarë po bën? Pse po pi marihuanë në një video të publikuar në internet? A je e çmendur?’” Unë thashë: ‘Babi, është Snoop Dogg. Nëse tymos me dikë, ai duhet të jetë Snoop Dogg’”. 

Një reagim tipik prej prindi shqiptar, që kërkon llogari edhe në moshën 33-vjeçare.