‘Balluku duhet të zëvendësohet’/ Andoni: Vartësit e saj problematikë me SPAK

Analisti Ben Andoni ka diskutuar fillimin e sesionit të ri parlamentar dhe zhvillimet e pritshme në skenën politike shqiptare.

Andoni ka ofruar një vlerësim të thellë mbi strategjitë dhe prioritetet e Partisë Socialiste, duke qenë se kjo forcë zhvilloi një takim joformal në Dajt së fundmi dhe pritet të mbajë asamblenë këtë fundjavë.

Sipas Andonit, PS po e orienton fokusin e saj drejt një mandati të katërt dhe është e angazhuar në zhvillimin e strategjisë së tyre të komunikimit.

Sa u përket ndryshimeve të mundshme që mund të prekin PS në asamblenë e ardhshme, ai ka ngritur shqetësime mbi rolin e Zëvendës Kryeministres Belinda Balluku, duke sugjeruar se ajo duhet të zëvendësohet për të adresuar disa problematika të paraqitura nga vartësit e saj me SPAK dhe për të ofruar një impuls të ri për zhvillimet në vend.

“Me gjithë problematikat që kanë paraqitur vartësit e saj me SPAK dhe përfoljet që i janë bërë asaj vetë, si dhe për të dhënë një impuls tjetër zhvillimeve në vend, është e nevojshme një ndryshim në këtë pozicion. Rama duhet të tregoje që ekzekutivi i tij ka një fytyrë tjetër dhe të adresojë shqetësimet e qytetarëve dhe të përmirësojë performancën e qeverisë,” tha ai.

Andoni gjithashtu ka shprehur pritshmëri për drejtuesit politikë të qarqeve, duke theksuar se do të jetë e rëndësishme të vlerësohet se kujt do t’i besohet pesha në zgjedhjet e ardhshme. “Do të presim të dielën tjetër për të parë se si do të formohen drejtuesit politikë të qarqeve dhe se kush do të marrë përgjegjësinë për zgjedhjet,” përfundoi Andoni.