Balluku: Jam rritur me gjyqe publike, më vjen keq që…

Nga konferenca ku i kaloi stafetën ministrit të ri të Energjisë dhe Infrastrukturës, Balluku tha se është rritur me gjyqe publike. “Më vjen keq që situata ime ka krijuar vonesa në procese jetësore të ministrisë”, shtoi Balluku.

“Unë jam rritur me gjyqe publike dhe ndoshta kurrizi ma mban më mirë se kujtdo tjetër gjyqin publik, pasi jam kalitur që e vogël. Di të bëj punën time, sigurisht secili ka mënyrën e tij, jam munduar të bëj më të mirën, as nuk e kam penguar drejtësinë e as nuk do e pengoj kurrë. E kam mbështetur si pjesë integrale e një Shqipërie europiane.

Më vjen keq që situata ime personale ka krijuar vonesa në procese jetësore që ministria duhet të performojë. Më vjen keq që kam ngarkuar qeverinë shqiptare me një peshë që nuk e meriton për shkak të rezultateve që kjo qeveri ka sjellë në 12 vite. Më vjen keq që është cenuar qetësia juaj, e familjarëve tuaj dhe më vjen keq për ditët e humbura në procese të rëndësishme që duhen çuar përpara”, u shpreh Balluku.