Sport
“Bardhekaltërit” e kërkojnë me ngulm, te Lazio duan Bellingham
![](https://ntv.al/wp-content/uploads/2024/07/1-7.jpg)
Pasi shkëlqeu tek aventura e tij, me spanjollët e Getafe, “ylli” i Manchester United, Mason Greenwood është në qendër të merkatos së verës, ku pas Atletico Madrid, Barcelona, Juventus, Napoli e Olympique Marseille, tashmë një tjetër klub kërkon shërbimet e tij.Bëhet fjalë për “Bardhekaltërit” e Lazio, me kryeqytetasit italianë, që kanë ofruar plot 25 milionë euro, për kartonin e tij, mirëpo “Djajtë” e United nuk heqin dorë nga kërkesa prej 30 milionë eurosh, për talenetin e sulmit.Në të tilla rrethana, bordi i Lazio ka vendosur të heqë përkohësisht dorë nga trativat për “yllin” e United, teksa janë fokusuar te një tjetër talent anglez e më konkretisht te vëllai i vogël i Jude Bellingham, i cili është pjesë e skaudrës së Sunderland.
Jobe Bellingham aktivizohet kryesisht në rolin e mesfushorit të avancuar, por mund të luajë edhe si mesfushor dhe qendërsulmues, me 18-vjeçarin, që vlerësohet me një çmim rreth 15 milionë euro dhe nëse gjithçka arrihet me sukses kalimi te Lazio do të ishte eksperienca e parë e tij jashtë ishullit.
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)