Bashkëpunimi SIGAL UNIQA-FSHF/ Duka: Nuk mund të gjejmë partner më të mirë; Ponari: I kënaqur dhe krenar!

Është kompania lider e tregut të sigurimeve në Shqipëri dhe rajon. Mes më të mëdhave jo vetëm në vendin tonë por në të gjithë Europën Juglindore. Paguesja më e madhe e dëmeve në pronë, shëndet, automjete etj që prej vitit 1999 dhe pjesë e një prej grupeve më të mëdha në kontinent. 

Po flasim për SIGAL UNIQA Group Austria, emri të cilit i besojmë jetën, shëndetin, pronën e çdo gjë tjetër me vlerë që kemi.

Por kompania në fjalë është më shumë se një grup Sigurimi. Ajo është pjesë integrale e shoqërive ku operon përmes sponsorizimit të aktiviteteve të ndryshme, përfshirë këtu edhe Sportin. 

Mes të tjerash, SIGAL UNIQA është edhe sponsor zyrtar i FSHF dhe Kombëtares së Futbollit, partneritet që ky që vijon prej vitit 2016.

Për të folur mbi këtë bashkëpunim, pritshmëritë dhe arritjet e realizuara, ne intervistuam Presidentin e Federatës Shqiptare të Futbollit, z. Armand Duka dhe CEO-n e Grupit SIGAL UNIQA, z.Avni Ponari.

Sipas z.Duka, ky është një bashkëpunim i shkëlqyer, i cili do të zgjasë gjatë sepse sipas tij, Federata nuk mund të gjejë një kompani tjetër sigurimesh që do të mbështesë më mirë, do bashkëpunojë më mirë dhe në mënyrë shumë funksionale në të mirën e futbollit shqiptar në përgjithësi.

Armand Duka: Bashkëpunimi i Federatës Shqiptare të Futbollit me kompaninë SIGAL UNIQA ka filluar  që në 2016-ën dhe përderisa ka vazhduar kaq gjatë, përderisa është rinovuar disa herë kjo marrëdhënie, do të thotë se ka qenë një bashkëpunim shumë i mirë dhe shumë i frytshëm. 

Nëpërmjet kompanisë, FSHF ka siguruar pothuajse të gjithë futbollistët e niveleve profesioniste, të futbollistëve të Kombëtareve, të Kategorisë Superiore, të futbollit të vajzave… Nuk është thjesht një mbështetje financiare por është një bashkëpunim i vërtetë, një mbështetje në të gjitha këndvështrimet. 

Edhe nëse kemi ndonjë rast që nuk parashikohet nga kontrata, SIGAL në asnjë mënyrë apo në asnjë kohë nuk refuzon të mbështesë apo të mbulojë çdolloj dëmtimi

Është një bashkëpunim i shkëlqyer dhe jam shumë i sigurt që do të zgjasë gjatë sepse nuk besoj se Federata do të gjejë një kompani tjetër sigurimesh që do të mbështesë më mirë, do bashkëpunojë më mirë dhe në mënyrë shumë funksionale në të mirën e futbollit shqiptar në përgjithësi. Aq më shumë që drejtuesi i kompanisë SIGAL është vetë një njeri i sportit. E kupton shumë mirë këtë dhe e bën me pasion këtë mbështetje, përveçse një detyrim kontraktor. 

Edhe themeluesi dhe CEO i SIGAL UNIQA, z.Ponari u shpreh i kënaqur nga ky partneritet, i cili, sipas tij, vjen në kuadër të përgjegjësisë sociale që ka një kompani e madhe siç është ajo e drejtuar prej tij.

Avni Ponari:  Mes misioneve që mund të ketë një kompani Sigurimi është edhe misioni social, i cili e bën të domosdosshme pjesëmarrjen në të gjithë jetën shoqërore. Kështu që ne e kemi konsideruar shumë të rëndësishëm bashkëpunimin me Federatën Shqiptare të Futbollit. Dhe natyrisht, njohja me Presidentin Duka dhe mundësitë e hapësirat që na ka krijuar ka bërë të mundur që ne të jemi sa më afër ekipit dhe futbollit.

Duke qenë në cilësinë e drejtuesit të një federate tjetër, po të rëndësishme, unë e kam parë si një gjë të rëndësishme Sigurimin e Sportistëve, çka Shqipërisë i ka munguar prej vitesh. 

Unë jam i kënaqur dhe krenar. Duke qenë sponsor i Federatës Shqiptare të Futbollit përsëri pas 8 vitesh kur Shqipëria ishte në Kampionatin Europian dhe logoja e SIGAL ishte e pranishme, ne jemi fatlumë që ndiodhemi në mbështetje të Federatës dhe unë i uroj suksese ekipit kombëtar për këtë arritje dhe Presidentit Duka në këtë ditë të rëndësishme për të gjithë shqiptarët. 

Armand Duka:  Viti që mbyllëm apo Kualifikueset e Kampionatit Europian kanë qenë më të suksesshmet e historisë së futbollit shqiptar. Vendi i parë në grup, performanca fantastike e ekipit, performance fantastike e të gjithë ambjentit, e tifozëve ka qenë një ngjarje, në kompeks, për tu shënuar në histori. 

E kam theksuar që asgjë nuk mund të arrihet vetëm. Aq më shumë në një sport kolektiv si futbolli. Dhe pikërisht këtu merr forcë edhe bashkëpunimi që kemi me SIGAL, bashkëpunimi që kemi edhe me bashkëpunëtorë të tjerë të futbollit shqiptar, që të gjithë bashkë të realizojmë një ëndërr të përbashkët në fund të fundit kombëtare. Sepse futbolli në një lloj mënyre është fe për shqiptarët, është sport shumë shumë i dashur dhe këtë sukses e kemi arritur të gjithë bashkë. Pa dyshim me kontributin më të madh të futbollistëve por edhe të bashkëpunëtorëve tanë. Dhe të SIGAL-it që ka qenë, siç e thashë në fillim, mbështetje e përhershme, e pakursyer dhe do të vazhdojë ta bëjë.

Po të kthehemi në 2016, ishte fillimi i bashkëpunimit me SIGAL-in, që në një lloj mënyre na solli fat, na çoi në Europian. Ky bashkëpunim është edhe sot në 2024-ën dhe unë uroj të jetë akoma më shumë dhe jam i bindur që do të jetë akoma më shumë.

Pra, ne kemi realizuar vërtetë një objektiv shumë madhor, kemi bërë realitet një ëndërr për herë të dytë dhe do vazhdojmë edhe në Europian. Jemi përgatitur për ta bërë më mirë Europianin. Nuk është se presim surpriza sepse surprise Kombëtarja shqiptare quhej dikur. Tashmë është një realitet, është një skuadër konkurente, është një skuadër e mirë që do ti jape vlerë Kampionatit Europian. Kam besim te skuadra që mund të shkojmë akoma më shumë se grupi. 

Avni Ponari: Ajo që është e rëndësishme dhe duhet ta theksojmë përsëri. Shqipëria ka rreth 100 mijë sportistë, në të gjitha kategoritë e në të gjithë moshat, të cilët janë pjesëmarrës në gara të ndryshme. Dhe ajo që ka bërë Federata Shqiptare e Futbollit mund ta bëjnë të gjitha federatat. Në mënyrë që çdo sportist të jetë i siguruar. Kjo është shumë e rëndësishme.

Nga ana tjetër, unë jam në cilësinë e Presidentit të SIGAL UNIQA Group Austria për Shqipërinë, Kosovën dhe Maqedoninë e Veriut. Një kompani e suksesshme, që mban vendin e parë dhe një nga 50 më të mëdhatë në Evropën Qëndrore dhe Lindore. Çka e bën atë dinjitoze në përmbushjen e detyrimeve dhe premtimeve që i bën klientëve. 

Ne jemi gjithmonë pranë, veçanërisht në Sigurimet Shëndetësore, Sigurimet e Pasurisë dhe sigurime të tjera. Duke qenë fokusi te sigurimet shëndetësore sepse janë më të domosdosshme dhe për të cilat të gjithë ne luftojmë. 

Unë do t’ju thoja të gjithëve të tregohen të kujdesshëm sepse shëndeti është shumë i rëndësishëm dhe natyrisht duke qenë të siguruar ata krijojnë një privilegj për veten sepse në fund të fundit ngjarjet e siguruara ndodhin por kujdesi financiar është i domosdosshëm. 

SIGAL UNIQA është e gatshme të përmbushë çdo detyrim që ka ndaj mbi 1.2 milionë klientëve por edhe të tjerëve që do të jenë pjesë e saj. 

Në këtë Europian të rëndësishëm të lavdishëm për Kombëtaren tonë, ne jemi akoma më të përgjegjshëm dhe më dinjitozë për të përmbushur të gjitha detyrat dhe detyrimet që kemi ndaj klientëve tanë. 

Sot, sporti është elementi më i pranishëm në jetën e të gjithëve dhe ndër evenimentet më interesante për miliarda njerëz kudo në botë. Pa harruar edhe mediat e biznesin.

Sporti është mjeti më efikas i edukimit, i argëtimit, i parandalimit të sëmundjeve, forcimit të marrëdhënieve sociale, alternativë e shëndetshme për kohën e lirë të brezave të rinj por edhe “ambasadori” më i mirë i një kombi.

Ndaj dhe SIGAL UNIQA do të vijojë të jetë një mbështetëse e fortë, jo vetëm e futbollit por edhe i sporteve të tjera.

SIGAL UNIQA Group Austria, Jetojmë më mirë së bashku

Web: www.sigal.com.al 

E-mail: info@uniqa.al   

Whatsapp: 068 60 62 829