Berisha: Edhe në burg, unë do e drejtoj PD-në

TIRANË– Sali Berisha, Kreu i Partisë Demokratike ka folur mbrëmjen e sotme në lidhje me situatën pas votimit të heqjes së mandatit të tij ditën e hënë. Berisha i ftuar në Opinion tha se do të vijojë të jetë Kryetar i Partisë Demokratike edhe në arrest shtëpie. Ai tha se askush nuk do të ndal aksionin e opozitës. Kryedemokrati tha se do ta drejtojë PD-në në fitore, edhe nëse do të jetë në qeli.  REPLIKAT NË STUDIO:

Jonida Shehu: Jemi në momentin e ri që me shumë gjasa do të jetë javës tjetër dhe sipas të gjitha intepretimeve  e parashikimeve, SPAK-u do të marrë një masë arresti shtëpie ose ta ashpërsojë.

Sali Berisha: Ta marrë dhe me burg, s’ka asnjë rëndësi për mua ajo.

Jonida Shehu: Ju do ta respektoni siç thatë, shumë dakord.

Sali Berisha: Se është vendimi i Edi Ramës!

Jonida Shehu: Çfarë do ndodhë përveç fatit të Sali Berishës dhe po themi procesit tuaj personal, familjar, çfarë do ndodhë me PD? Besoj duhet të keni dhe një skenar të qartë.

Sali Berisha: Do ndodhë ajo që ka ndodhur me Mandelën…

Jonida Shehu: Zoti Berisha, kush do ta drejtojë Partinë Demokratike në momentin që ju do të jeni në arrëst shtëpie?

Sali Berisha: Do e drejtojë Sali Berisha, edhe nga thellësitë e çdo qelie.

Jonida Shehu: Si? Si e keni planin?

Sali Berisha: S’ka diskutim! Unë do e drejtoj dhe do e çoj drejt fitores,

-Mund të marrë vendim gjykata që ju mos të përdorni as rrjete sociale, një izolim në shtëpi pa të drejtën për të vizituar.

Sali Berisha: Nuk mund ta pengojnë kurrë komunikimin e idealeve të mia me shqiptarët, kurrë!

-Po si do ta komunikoni?!

Sali Berisha: Nuk ka mure! Nuk ka mure që mund të izolojnë idealet e njeriut, unë qëndroj më i vendosur se kurrë në betejën time. Shqipëria barazohet me Rusinë e Putinit

Këshilli i mandateve në Kuvendin e Shqipërisë do të mblidhet ditën e hënë në 18 dhjetor për të shqyrtuar kërkesën e SPAK për ndryshimin e masës së sigurisë së Kreut të Partisë Demokratike, Sali Berisha. Partia Demokratike ka njoftuar protestë ditën e hënë përpara kryesisë së Kuvendit