Kronike

Bilanci/ 4 aksidente…të plagosur në Fier, Tiranë e Korçë, përplaset për vdekje këmbësori në Krujë

Një bilanc i rëndë është regjistruar në 4 aksidente të ndodhura gjatë pasdites së djeshme në Tiranë, Fier, Korçë e Krujë. Në Tiranë një person mbeti i plagosur rëndë në rrugën “Hoxha Tahsin”, ku një automjet ka përplasur drejtuesin e një motori, i cili përfundoi në spital.

Në Fier, tek Kthesa e Patosit, një Benz u përplas me një Ford dhe si pasojë janë plagosur dy drejtuesin e mjeteve dhe 3 pasagjerë.

Më herët në aksin rrugor Korçë-Pogradec, një adoleshent mbeti I plagosur pasi motomjeti që drejtonte u përplas nga një automjet.

Ndërkaq, në Nikël të Krujës një 23-vjeçar përplasi për vdekje një 77-vjeçar, I cili ndërroi jetë në vendin e aksidentit.

Aksident i rëndë në aksin Fier-Patos, raportohen 5 të plagosur

Një aksident ka ndodhur këtë mbrëmje në aksin rrugor Fier-Patos, në zonën e quajtur “Kthesa e Patosit”.

Sipas burimeve nga vendi i ngjarjes, mësohet se në këtë aksident automobilistik janë përfshirë automjeti tip “Ford Focus” me targa “AB 864 DM” dhe automjeti tip “Benz” me targa “AB 500 EU”.

Raportohet se nga aksidenti kanë mbetur të plagosur 5 persona, drejtuesi i “Benz” i identifikuar me inicialet G.G., 20 vjeç, drejtuesi i “Ford Focus” i identifikuar me inicialet T. Rr., si dhe tre pasagjerët në këtë automjet, të identifikuar me inicialet I.Rr., Sh.Rr. dhe L.Rr., të cilët janë transportuar drejt spitalit për të marrë ndihmë mjekësore.

Policia ka mbërritur në vendngjarje për zbardhjen e rrethanave të aksidentit dhe zhbllokimin e trafikut.

Aksident i rëndë në Tiranë, makina përplas motorin, bëhet copash! Drejtuesi dërgohet me urgjencë në spital

Një aksident i rëndë është regjistruar këtë mbrëmje (19 nëntor) në Tiranë. Ngjarja ka ndodhur në rrugën “Hoxha Tahsim”, ku një mjet ka përplasur një motor. Drejtuesi i mjetit është dërguar me urgjencë në spital, por ende nuk dihet gjendja e tij shëndetësore. Ende nuk dihet shkaku i aksidentit. Policia ndodhet në vendngjarje ku po punon për zbardhjen e ngjarjes.

Krujë/ Automjeti përplas për vdekje të moshuarin

Një aksident i rëndë ka ndodhur mbrëmjen e kësaj të diele në Nikël të Krujës, ku një automjet ka përplasur një 77-vjeçar, i cili ka ndërruar jetë në vendngjarje.

Shoferi i automjetit tip “Audi”, i cili aksidentoi për vdekje të moshuarin, është 23-vjeçari i identifikuar me inicialet E.K.

Grupi hetimor ndodhet në vendngjarje dhe po punon për sqarimin e rrethanave të aksidentit.

Related Topics:aksidente bilanc fier kronike kruje kryesore lajmi i fundit makina rruge te p;agosur Tirane vitikme

Kronike

EMRAT/ Gjenden të vdekur burrë dhe grua në Dropull

Burrë e grua, të moshuar, janë gjetur të pajetë ne fshatin Bodrishtë në Bashkinë Dropull.

Burime jo zyrtare thonë se të moshuarit kanë pasur shenja dhune në trup çka mund të thuhet se bëhet fjale për krim të ndodhur ndaj tyre.

Të moshuarit janë Kosta Ilia 84 vjeç dhe Kleoniqi Ikia 88 vjeçe.

Policia ka shkuar ne vendngjarje ku po merret me hetimin e këtij krimi makabër.

Njoftimi i policisë:

Rreth orës 08:00, janë gjetur nga fqinjët, të pajetë, në banesën e tyre në fshatin Bodrisht, shtetasit K. I., 84 vjeç dhe K. I., 88 vjeçe (bashkëshortë). Nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore.

Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.

Menjëherë pas njoftimit, shërbimet e Policisë kanë shkuar në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes.

Kronike

Operacion antidrogë në Tiranë, lëshohen 30 masa arresti, ekzekutohen 25 prej tyre

Antidroga e Tiranës ka zhvilluar një operacion, përmes së cilit janë lëshuar 30 masa arresti me vendim gjykate.

Deri tani mësohet se janë ekzekutuar 20 prej tyre. Ndërkohë 5 masa të tjera janë komunikuar në qeli, pasi ishin kapur më herët.

Bëhet fjalë për grup të organizuar që merrej me shitjen e lëndëve narkotike kokainë, heroinë dhe kanabis me hetimet që kanë nisur që në muajin janar.

I përfshirë në këtë grup është dhe Enea Sulejmani, i arrestuar pak javë më parë në Rrugë të Kavajës në tentativë për t’iu larguar agjentëve të Antidrogës, pasi tentoi t’i përplasë me makinë.

Kronike

Dy makina tip “Benz” përplasen me njëra-tjetrën, dy të lënduar

Dy makina tip “Benz” janë përplasur pasditen e sotme në tunelin e Kalimashit, me drejtim lëvizjeje Milot-Morinë.

Dy pasagjerët, shtetasit D.T. dhe I.T, që udhëtonin me automjetin me drejtuese shtetasen M.T., janë dërguar në spital për kontroll mjekësorë.

Shërbimet e Policisë menjëherë bënë të mundur hapjen e rrugës dhe lëvizja e automjeteve vijon e lirë në tunel.

Grupi hetimor po punon për përcaktimin e shkakut të aksidentit

Kronike

Agravon konflikti mes dy shoferëve, plagoset me thikë njëri prej tyre

Një shofer kamioni ka mbetur i plagosur me thikë këtë të mërkurë në pikën e kalimit kufitar të Kapshticës.

Dy shoferë kamionësh janë konfliktuar midis tyre dhe për pasojë njëri prej tyre ka mbetur i plagosur.

Konflikti ka qenë për motive të dobëta ndërsa të dy mësohet se janë banues në Tiranë.

Policia ndërkohë ka shoqëruar në komisariat autorin për të vazhduar me procedurat, ndërkohë i plagosuri është transportuar në spital.

Kronike

I dehur në timon dhe aksidentoi tre makina të parkuara, arrestohet punonjësi i Gardës

Një punonjës i Gardës është arrestuar nga policia pasi përplasi 3 automjete të parkuara dhe u largua nga vendngjarja.

Sipas policisë, 49-vjeçari, drejtonte mjetin në gjendje të dehur. Ngjarja ka ndodhur rreth orës 20:00 në rrugën “Zini Sako” tek vendi i quajtur Kryqëzimi i Porcelanit.

“Agjencia e Mbikëqyrjes Policore ka arrestuar në flagrancë punonjësin e Gardës së Republikës Inspektor, 49 vjeç, me detyrë Trupë Shërbimi. Arrestimi u krye pasi rreth orës 20:00, duke udhëtuar me automjetin e tij në vendin e quajtur Kryqëzimi i Porcelanit, rruga “Zini Sako” ka dëmtuar tre automjete të parkuara dhe është larguar nga vendi i ngjarjes. Pasi është kapur është shoqëruar në Komisariatin e Policisë Nr. 4, ku nga veprimet procedurale ka rezultuar nën efektin e alkoolit. Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Tiranë për veprat penale “Drejtimi i automjetit nën ndikimin e alkoolit” dhe “Largim nga vendi aksidentit”, thuhet në njoftimin zyrtar.