Binjakët përballë një fati që ndodh vetëm një herë në 84 vjet

Nga fundi i korrikut 2025, të lindurit në shenjën e Binjakëve do të përjetojnë një periudhë të jashtëzakonshme që, sipas astrologëve, ndodh vetëm një herë në çdo 84 vjet. Ky moment i rrallë është fryt i ndërthurjes së ndikimeve të dy planetëve të fuqishëm: Uranit dhe Venusit.

Më 7 korrik, Urani, planeti i transformimeve të thella, përmbysjeve të papritura dhe përparimeve të brendshme – ka hyrë për herë të parë në shenjën e Binjakëve që prej viteve 1940.

Sipas astrologes Kimberly Castagna, kjo shënon fillimin e një cikli shtatëvjeçar ndryshimesh thelbësore, që do të zgjojnë potenciale të reja tek të gjithë ata që i përkasin kësaj shenje ajri.

Por ndikimi nuk është vetëm teorik. Deri në fund të korrikut 2025, Venusi, planeti i bukurisë, tërheqjes dhe lidhjeve shoqërore – do të jetë po ashtu në Binjakë, duke përforcuar ndikimin e Uranit. Sipas Castagna-s, ky bashkëveprim planetar krijon kushte të paprecedenta për zhvillim personal, përmirësim marrëdhëniesh dhe rritje të dukshmërisë publike.

Ndryshimet që po ndodhin nuk janë të përkohshme. Ato prekin shtresat më të thella të vetëdijes dhe identitetit. Urani shkatërron idetë e vjetra, hap rrugë për një version të ri të vetes.

Ndërkohë, Jupiteri, që deri pak kohë më parë ka qëndruar në këtë shenjë, ka dhënë një shtysë të parë energjie dhe mundësish. Tani që ka kaluar në Gaforre, ndikimi i tij pritet të reflektohet në sferën financiare: mundësi për të rritur të ardhurat, për të gjetur burime të reja fitimi dhe për të ndërtuar një themel më të fortë material.

Por astrologia ka edhe një paralajmërim të qartë për Binjakët: “Universi po ju ofron një dritare unike, por është në dorën tuaj të veproni.”