Blushi denoncon: Metës i është ndaluar e drejta për tu takuar me avokatin

Sekretari i Përgjithshëm i Partisë së Lirisë, Tedi Blushi gjatë fjalës së tij një një deklaratë ka denoncuar masa që janë marrë ndaj kreut të Partisë së Lirisë, Ilir Meta në paraburgim. Sipas Blushit, Metës i është ndaluar e drejta për të realizuar një konferencë me gazetarë, si dhe kontakti me një nga avokatët e tij, Dylejman Karaj.

Ai shtoi se këto masa janë marrë menjëherë pas një bisede telefonike që Meta ka zhvilluar me gazetaren Beti Njuma. Blushi thekson se qeveria ka frikë nga e vërteta dhe prandaj ka marrë këto masa ndaj Metës duke shtypur të drejtën e lirisë së fjalës.

Blushi bëri gjithashtu publike një pjesë nga relacioni i fundit i SPAK, duke theksuar se aty “nuk ka asnjë fakt apo akt penal të kryer nga Ilir Meta. Ai e quajti këtë proces farsën e shekullit, duke theksuar se ajo do të çmontohet në Tiranë dhe Strasburg.

Blushi edhe para disa ditësh ka publikuar një dokument të Prokurorisë së Posaçme për të cilën pretendon se rrëzon akuzën ndaj kreut të PL Ilir Meta, për lobim në SHBA. Blushi theksoi se autoritetet gjyqësore amerikane kanë informuar SPAK se pagesat për kontratën mes “Dorelita Limited” dhe “McKeon Group” janë kryer nga kompania “Taliadoros Audit Firm LTD” dhe se nuk vërtetohet asnjë lidhje ndërmjet këtyre pagesave dhe Lëvizjes Socialiste për Integrim apo Ilir Metës, në cilësinë e tij si Kryetar i LSI-së.

Ai shtoi se edhe vetë SPAK në faqen 12 e ka pranuar duke rrëzuar përfundimisht çdo pretendim për përfshirje apo pagesë paligjshme të Metës në këtë çështje. Blushi theksoi se Partia e Lirisë dhe Meta mbeten të vendosur në qëndrimet e tyre për të mos braktisur kurrë kauzat madhore që janë një interes ekzistencial kombëta

Dokumenta bashkëngjitur